Mga Kapanguhaan sa Kasaysayan sa Doktrina ug mga Pakigsaad: Orson Pratt, Mga Kapanguhaan sa Kasaysayan sa Doktrina ug mga Pakigsaad (2025)
Orson Pratt, Mga Kapanguhaan sa Kasaysayan sa Doktrina ug mga Pakigsaad (2025)
Orson Pratt
(1811–81)
Orson Pratt, litrato, Church History Library, PH 4258.
Si Orson Pratt natawo sa Hartford, New York. Nabunyagan siya sa Ang Simbahan ni Jesukristo sa mga Santos sa Ulahing mga Adlaw pinaagi sa iyang igsoong lalaki nga si Parley niadtong Septiyembre 1830. Niana nga Disyembre gi-orden siya isip usa ka elder ug gitudlo sa pagserbisyo og misyon ngadto Colesville, New York. Niadtong 1831, mibalhin siya ngadto sa Kirtland, Ohio. Human sa pagtawag pinaagi sa pagpadayag (Doktrina ug mga Pakigsaad 52:26; 75:13; 103:40), miserbisyo dayon siya og misyon ngadto sa Missouri, ngadto sa silangang bahin sa Estados Unidos (kaduha), ngadto sa Upper Canada, ug ngadto sa Great Britain.
Niadtong 1834 si Orson Pratt miapil sa Kampo sa Israel nga ekspidesyon ngadto sa Missouri. Pagkasunod tuig, gi-orden siya nga usa ka sakop sa Korum sa Napulog Duha ka Apostoles. Niadtong 1836 giminyoan niya si Sarah Marinda Bates. Niadtong Agosto 1842, samtang nagpuyo sa Nauvoo, Illinois, si Pratt napahimulag gikan sa Simbahan, apan sa pagka-Enero nabunyagan siya pag-usab ug na-orden pag-usab sa iyang kanhi nga katungdanan sa Korum sa Napulog Duha.
Si Pratt sakop sa grupo ni Brigham Young sa mga pioneer sa dihang ang mga Santos mibalhin ngadto sa Utah niadtong 1847 (tan-awa sa Doktrina ug mga Pakigsaad 136:13). Siya ang midumala sa Simbahan sa Great Britain gikan sa 1848 ngadto sa 1849 ug gikan sa 1856 ngadto sa 1857. Pagka-1874, gitudlo siya nga magsusulat sa kasaysayan sa Simbahan. Mahinungdanon siya sa mga rebisyon nga miresulta sa 1876 nga edisyon sa Doktrina ug mga Pakigsaad.
Mga Pakisayran sa Doktrina ug mga Pakigsaad