Samuel Bent

(1778–1846)

Si Samuel Bent natawo sa Barre, Massachusetts. Iyang giminyoan si Mary Kilburn niadtong 1805. Niadtong 1833 nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw, giordinahan nga usa ka elder, ug miserbisyo og misyon ngadto sa Teritoryo sa Michigan. Miapil siya sa ekspidesyon sa Kampo sa Israel ngadto sa Missouri niadtong 1834 ug mitambong sa ligdong nga katigoman sa Templo sa Kirtland niadtong 1836. Sa ulahing bahin nianang tuiga, mibalhin siya ngadto sa Missouri, diin, niadtong 1837, naminyo siya pag-usab ngadto ni Lettice Palmer. Pagka-Agosto 1837, nagserbisyo siya sa high council sa Far West. Pagka-Oktubre 1839, mibalhin siya ngadto sa Commerce, Illinois, nga sa kaulahian giusab ang ngalan og Nauvoo. Didto gitudlo siya nga sakop sa high council sa Nauvoo (tan-awa sa Doktrina ug mga Pakigsaad 124:132). Gitudlo siya niadtong 1840 nga moserbisyo og misyon ngadto sa Illinois, Indiana, ug Ohio aron mokolekta og kwarta nga ibayad sa mga utang sa Simbahan ug pagpaimprinta og libro. Niadtong 1844, si Bent gidawat ngadto sa Konseho sa Kalim-an ug miserbisyo og misyon ngadto sa Illinois, Michigan, ug Indiana. Human mobiya sa Nauvoo niadtong 1846, nagdumala siya og branch sa Simbahan sa Garden Grove, Teritoryo sa Iowa.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Samuel Bent diha sa Biyograpikanhong Database sa Kasaysayan sa Simbahan

Tan-awa ang Samuel Bent sa FamilySearch