Mga Kapanguhaan sa Kasaysayan sa Doktrina ug mga Pakigsaad: Edward Partridge, Mga Kapanguhaan sa Kasaysayan sa Doktrina ug mga Pakigsaad (2025)
Edward Partridge, Mga Kapanguhaan sa Kasaysayan sa Doktrina ug mga Pakigsaad (2025)
Edward Partridge
(1793–1840)
Edward Partridge, 1884, kinulit ni H.B. Hall ug mga Anak, Church History Library, PH 729.
Si Edward Partridge natawo sa Pittsfield, Massachusetts. Niadtong 1819 nakigminyo siya kang Lydia Clisbee. Si Partridge gibunyagan ni Joseph Smith pagka-Disyembre 1830 ug gi-orden nga elder ni Sidney Rigdon paglabay sa upat ka adlaw. Pagka-Pebrero 1831, sa Kirtland, Ohio, si Partridge gipili nga unang bishop sa Ang Simbahan ni Jesukristo sa mga Santos sa Ulahing mga Adlaw ug gihatagan sa responsibilidad nga mangalagad sa balaod sa pagpahinungod taliwala sa mga Santos (Doktrina ug mga Pakigsaad 41; 42:30–36; 51). Padayon siyang miserbisyo isip bishop hangtod sa iyang pagkamatay.
Sa ting-init sa tuig 1831, si Partridge mibiyahe kuyog ni Joseph Smith ngadto sa Distrito sa Jackson, Missouri, diin mitabang siya sa pagdumala sa pamuy-anan sa milalin nga mga Santos pinaagi sa pagpamalit ug pagdumala sa mga pagkatinugyanan sa yuta. Pagka-Abril 1832, gipili siya nga mahimong sakop sa Hiniusang Kapunongan. Dihang miulbo ang kabangis sa manggugubot batok sa mga Santos sa Missouri pagka-Hulyo 1833, gibuboan siya og alkitran ug gipapitlan og mga balahibo. Kauban sa iyang pamilya, mibiya siya gikan sa Distrito sa Jackson ngadto sa Distrito sa Clay, Missouri, ug unya ngadto sa nahimo nga Distrito sa Caldwell, Missouri. Nagserbisyo usab siya isip usa ka misyonaryo niadtong 1835 sa Missouri, Illinois, Indiana, ug Ohio ug dayon sa New York ug New England. Sa tinglarag sa 1838, gibilanggo siya sa bilanggoan sa Richmond, Missouri. Pagka-1839, gipalayas siya gikan sa Missouri kauban sa ubang mga Santos ug namalhin ngadto sa Commerce, Illinois, nga sa wala madugay giusab ang ngalan og Nauvoo.
Mga Pakisayran sa Doktrina ug mga Pakigsaad
Doktrina ug mga Pakigsaad 35, 36, 41, 42, 50, 51, 52, 57, 58, 60, 64, 82, 115, 124