Mga Kapanguhaan sa Kasaysayan sa Doktrina ug mga Pakigsaad: Isaac Morley, Mga Kapanguhaan sa Kasaysayan sa Doktrina ug mga Pakigsaad (2025)
Isaac Morley, Mga Kapanguhaan sa Kasaysayan sa Doktrina ug mga Pakigsaad (2025)
Isaac Morley
(1786–1865)
Isaac Morley, litrato.
Si Isaac Morley natawo sa Montague, Massachusetts. Niadtong 1812 nakigminyo siya ni Lucy Gunn, ug sa ingon niini nga panahon namuyo sila sa Kirtland, Ohio. Si Morley nabunyagan sa Ang Simbahan ni Jesukristo sa mga Santos sa Ulahing mga Adlaw pagka-Nobiyembre 1830, ug sa misunod nga tuig gitugotan niya ang mga Santos sa Ulahing mga Adlaw gikan sa New York nga mopuyo sa iyang uma sa Kirtland. Sa usa ka pagpadayag nga gipetsahan og Septiyembre 1831, si Morley gipanton tungod sa pagsupak sa Ginoo ug pagbaton og daotan diha sa iyang kasingkasing (Doktrina ug mga Pakigsaad 64:15–16). Sukad 1831 hangtod 1833, nagpuyo siya sa Independence, Missouri (tan-awa sa Doktrina ug mga Pakigsaad 52:23). Samtang didto siya, gipili siya nga maoy moorganisar sa mga branch sa Simbahan sa Missouri ug nagserbisyo isip bishop. Sa ting-init ug sa tinglarag pagka-1835, gikuyogan niya si Edward Partridge sa misyon ngadto sa sidlakang Estados Unidos. Pagka-1837, si Morley na-orden nga patriyarka. Mibalhin siya sa Distrito sa Hancock, Illinois, niadtong 1839. Pagkasunod tuig, gipili siya nga presidente sa stake sa Lima, Illinois. Pagka-1845, mibalhin siya ngadto sa Nauvoo, Illinois. Milalin siya sa Utah pagka-1848, ug nangulo siya og usa ka pamuy-anan sa mga Santos sa Distrito sa Sanpete, Utah, sa misunod nga tuig.
Mga Pakisayran sa Doktrina ug mga Pakigsaad