Mga Kapanguhaan sa Kasaysayan sa Doktrina ug mga Pakigsaad: Joseph Young, Mga Kapanguhaan sa Kasaysayan sa Doktrina ug mga Pakigsaad (2025)
Joseph Young, Mga Kapanguhaan sa Kasaysayan sa Doktrina ug mga Pakigsaad (2025)
Joseph Young
(1797–1881)
Joseph Young, human sa 1847, litrato, Church History Library, PH 1700 3768.
Usa ka magulang nga lalaki ni Brigham Young, si Joseph Young natawo sa Hopkinton, Massachusetts. Siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw ug gi-orden nga elder niadtong Abril 1832. Nianang tuiga, siya miserbisyo og mga misyon ngadto sa New York ug Upper Canada. Sa tinglarag sa 1832, siya mibalhin ngadto sa Kirtland, Ohio, diin human niana siya miserbisyo og ikaduha nga misyon ngadto sa Upper Canada. Siya nakigminyo ni Jane Bicknell niadtong 1834. Wala madugay nianang tuiga, siya miapil sa ekspedisyon sa Kampo sa Israel ngadto sa Missouri. Niadtong 1835 si Young gi-orden nga usa ka Seventy, gitudlo nga presidente sa Unang Korum sa Seventy, ug miserbisyo og misyon ngadto sa silangang Estados Unidos. Usa siya ka stockholder sa Nagkahiusang Kapunongan sa Kirtland. Si Young mibalhin ngadto sa Missouri niadtong 1838, diin iyang nasaksihan ang pagmasaker didto sa Hawn’s Mill sa wala pa moapil sa exodo sa mga Santos gikan sa estado. Niadtong 1840, mipuyo siya sa Nauvoo, Illinois. Didto, niadtong 1844, siya gitudlo nga “unang presidente sa tanang korum sa mga seventy.” Siya gidawat sa Konseho sa Kalim-an sa misunod nga tuig. Gikan sa 1846 ngadto sa 1850, siya mipuyo sa Winter Quarters (human niana sa Omaha, Nebraska), ug sa Carterville, Iowa. Siya milangyaw ngadto sa Teritoryo sa Utah niadtong 1850.
Mga Pakisayran sa Doktrina ug mga Pakigsaad