Mga Kapanguhaan sa Kasaysayan sa Doktrina ug mga Pakigsaad: Thomas Grover Mga Kapanguhaan sa Kasaysayan sa Doktrina ug mga Pakigsaad (2025)
Thomas Grover, Mga Kapanguhaan sa Kasaysayan sa Doktrina ug mga Pakigsaad (2025)
Thomas Grover
(1807–86)
Thomas Grover, sa wala pa ang 1886 nga litrato.
Si Thomas Grover natawo sa Whitehall, New York. Iyang giminyoan si Caroline Whiting niadtong 1828 ug nabunyagan ngadto sa Ang Simbahan ni Jesukristo sa mga Santos sa Ulahing mga Adlaw ni Warren A. Cowdery niadtong 1834. Pagkasunod tuig, si Grover mibalhin ngadto sa Kirtland, Ohio. Niadtong 1836, giordinahan siya nga usa ka elder ug gitudlo ngadto sa high council sa Kirtland. Kauban sa iyang pamilya, mibalhin siya ngadto sa Far West, Missouri, niadtong 1837, diin miserbisyo siya pag-usab sa high council. Usa siya ka sakop sa komitiba sa Far West nga nagdumala sa pagkuha sa mga Santos sa Ulahing mga Adlaw gikan sa Missouri niadtong 1839. Nianang sama nga tuig, mibalhin siya ngadto sa Commerce, Illinois, nga sa kaulahian giusab ang ngalan og Nauvoo, ug gitudlo ngadto sa high council didto. Niadtong 1841, naminyo siya pag-usab ngadto ni Caroline Nickerson Hubbard. Si Grover miserbisyo og tulo ka mugbo nga mga misyon atong sayong bahin sa mga 1840 ug milalin ngadto sa Walog sa Salt Lake, sa Teritoryo sa Utah, niadtong Oktubre 1847.
Mga Pakisayran sa Doktrina ug mga Pakigsaad