Mga Kapanguhaan sa Kasaysayan sa Doktrina ug mga Pakigsaad: Simeon Carter, Mga Kapanguhaan sa Kasaysayan sa Doktrina ug mga Pakigsaad (2025)
Simeon Carter, Mga Kapanguhaan sa Kasaysayan sa Doktrina ug mga Pakigsaad (2025)
Simeon Carter
(1794–1869)
Simeon Carter, litrato nga gigamitan og krayola nga paghulagway, Box Elder Museum.
Si Simeon Carter natawo sa Killingworth, Connecticut, niadtong 1794. Giminyoan niya si Lydia Kenyon sa Benson, Vermont, niadtong 1818. Si Carter nabunyagan sa Ang Simbahan ni Jesukristo sa mga Santos sa Ulahing mga Adlaw niadtong Pebrero 1831. Pagka-Hunyo, gi-orden siya nga high priest ug gitawag pinaagi sa pagpadayag nga mokuyog ni Solomon Hancock sa misyon ngadto sa Missouri (Doktrina ug mga Pakigsaad 52:27). Niadtong 1832, usa ka pagpadayag mimando ni Carter sa pagsangyaw uban ni Emer Harris (Doktrina ug mga Pakigsaad 75:30). Pagkasunod tuig, si Carter midumala sa branch didto sa Big Blue River sa Distrito sa Jackson, Missouri. Gitudlo siya nga mahimong sakop sa high council sa Distrito sa Clay, Missouri, niadtong 1834, ug nagpadayon niana nga posisyon sa Distrito sa Caldwell, Missouri. Human nga gipalayas gikan sa Missouri uban sa laing pa nga mga Santos sa Ulahing mga Adlaw niadtong 1838, si Carter mipuyo sa Distrito sa Lee, Teritoryo sa Iowa, pagka-1840. Miserbisyo siya og misyon sa England tali sa 1846 ug 1849, human niana mibalhin siya ngadto sa Walog sa Salt Lake sa Teritoryo sa Utah.
Mga Pakisayran sa Doktrina ug mga Pakigsaad