Mga Kapanguhaan sa Kasaysayan sa Doktrina ug mga Pakigsaad: Wilford Woodruff, Mga Kapanguhaan sa Kasaysayan sa Doktrina ug mga Pakigsaad (2025)
Wilford Woodruff, Mga Kapanguhaan sa Kasaysayan sa Doktrina ug mga Pakigsaad (2025)
Wilford Woodruff
(1807–98)
Wilford Woodruff, ca. 1843–1844, litrato, Church History Library, PH 10143.
Si Wilford Woodruff natawo sa Farmington, Connecticut, niadtong 1807. Niadtong Disyembre 1833, nabunyagan siya ngadto sa Ang Simbahan ni Jeskristo sa mga Santos sa Ulahing mga Adlaw. Niadtong 1834 mibalhin siya ngadto sa Kirtland, Ohio, miapil sa ekspidesyon sa Kampo sa Israel ngadto sa Missouri. Gikan sa 1834 hangtod 1836, miserbisyo siya og misyon ngadto sa Arkansas, Tennessee, ug Kentucky. Niadtong 1836 giordinahan siya nga usa ka Seventy. Pagkasunod tuig, iyang giminyoan si Phebe Carter didto sa Kirtland. Panahon sa 1837 ug 1838, si Woodruff miserbisyo og mga misyon ngadto sa New England ug sa mga Isla sa Fox. Niadtong Hulyo 1838, gitawag siya pinaagi sa pagpadayag sa pagpuli sa bakante sa Korum sa Napulog Duha ka Apsotoles (Doktrina ug mga Pakigsaa 118:6). Siya miserbisyo dayon og usa ka misyon sa Great Britain gikan sa 1839 hangtod sa 1841. Niadtong 1841 mibalhin siya ngadto sa Nauvoo, Illinois, diin siya usa ka sakop sa Konseho sa Kalim-an. Gikan sa 1844 hangtod 1846, si Woodruff midumala sa Misyon sa Britanya. Niadtong 1846–47 milalin siya ngadto sa Walog sa Salt Lake Teritoryo sa Utah. Sa misunod nga upat ka dekada miserbisyo siya og nagkalain-lain nga mga katungdanan sa Simbahan, lakip sa pagkahimong magsusulat sa kasaysayan ug presidente sa templo sa St. George, Teritoryo sa Utah. Human sa kamatayon ni John Taylor niadtong 1887, si Woodruff gipaluyohan isip ang ikaupat nga Presidente sa Simbahan. Nakadawat siya og pagpadayag, gipahibalo diha sa Manipesto niadtong 1890 (Opisyal nga Pahayag 1), nga misangpot sa pagtapos sa dinaghan nga kaminyoon diha sa Simbahan. Niadtong 1893 gipahinungod niya ang Templo sa Salt Lake. Si Presidente Woodruff mipahibalo sa pagpadayag niadtong 1894 nagbutang og kinutoban sa pagsagop nga mga pagselyo ug magtutok sa mga pagselyo sa kaminyoon ug mga relasyon sa ginikanan ngadto sa mga anak. Giawhag niya ang mg miyembro sa “pagsubay sa ilang mga kagikanan kutob sa ilang mahimo, ug magpaselyo ngadto sa ilang mga amahan ug mga inahan.” (Tan-awa sa Mga Hisgotanan sa Kasaysayan sa Simbahan, “Pagselyo.”) Namatay siya niadtong Septiyembre 1898.
Mga Pakisayran sa Doktrina ug mga Pakigsaad
Doktrina ug mga Pakigsaad 118, 124, 136, 138, Opisyal nga Pahayag 1