Mga Kapanguhaan sa Kasaysayan sa Doktrina ug mga Pakigsaad: Warren A. Cowdery, Mga Kapanguhaan sa Kasaysayan sa Doktrina ug mga Pakigsaad (2025)
Warren A. Cowdery, Mga Kapanguhaan sa Kasaysayan sa Doktrina ug mga Pakigsaad (2025)
Warren A. Cowdery
(1788–1851)
Si Warren A. Cowdery, magulang ni Oliver Cowdery, natawo sa Wells, Vermont, niadtong 1788. Giminyoan niya si Patience Simonds niadtong 1814. Niadtong 1834 si Cowdery nabunyagan sa Ang Simbahan ni Jesukristo sa mga Santos sa Ulahing mga Adlaw ug gisangonan nga tigdumala nga elder sa Simbahan sa Freedom, New York (Doktrina ug mga Pakigsaad 106). Niadtong Pebrero 1836, mibalhin siya ngadto sa Kirtland, Ohio, diin editor siya sa mantalaan sa Simbahan nga Latter Day Saints’ Messenger and Advocate. Nagserbisyo usab siya isip klerk ni Joseph Smith ug isip sakop sa high council sa Kirtland. Niadtong 1838 wala na siya mosuporta sa nangulo sa Simbahan ug nagpabilin sa Kirtland human sa pagbiya sa daghang Santos.
Mga Pakisayran sa Doktrina ug mga Pakigsaad