Mga Kapanguhaan sa Kasaysayan sa Doktrina ug mga Pakigsaad: Newel K. Whitne, Mga Kapanguhaan sa Kasaysayan sa Doktrina ug mga Pakigsaad (2025)
Newel K. Whitney, Mga Kapanguhaan sa Kasaysayan sa Doktrina ug mga Pakigsaad (2025)
Newel K. Whitney
(1795–1850)
Newel K. Whitney, 1884, kinulit pinaagi ni H.B. Hall and Sons, gibase sa drowing ni Danquart A. Weggeland sa William W. Major painting, Church History Library, PH 2592.
Si Newel K. Whitney natawo sa Marlborough, Vermont. Iyang giminyoan si Elizabeth Ann Smith niadtong 1822 ug nabunyagan ngadto sa Ang Simbahan ni Jesukristo sa mga Santos sa Ulahing mga Adlaw niadtong Nobiyembre 1830. Pagkasunod tuig giordinahan siya nga usa ka high priest ug gitudlo nga bishop sa Kirtland, Ohio (Doktrina ug mga Pakigsaad 72:7–8). Pagkahuman mibiyahe siya kauban ni Joseph Smith ngadto sa Missouri (tan-awa sa Doktrina ug mga Pakigsaad 78:9) ug dayon ngadto sa Siyudad sa New York, Albany, ug Boston (Doktrina ug mga Pakigsaad 84:114).
Si Whitney nahimong sakop sa Nagkahiusang Kapunongan niadtong 1832 (Doktrina ug mga Pakigsaad 82:11). Pinaagi sa pagpadayag ngadto ni Joseph Smith, gisugo siya sa pag-abli og tindahan alang sa kaayohan sa mga Santos (Doktrina ug mga Pakigsaad 63:42; 72:9–10; 104:39–41). Mitambong siya sa miting sa pag-oganisar sa Tulunghaan sa mga Propeta didto sa Kirtland niadtong Enero 1833. Gipalit usab ni Whitney ang umahan ni Peter French, diin gitukod ang templo sa Kirtland sa wala madugay. Niadtong 1838, usa ka pagpadayag nagsugo ni Whitney sa pagbiya sa Kirtland (Doktrina ug mga Pakigsaad 117:1), ug siya ug ang iyang pamilya sa kataposan mibalhin ngadto sa Commerce (unya nahimong Nauvoo), Illinois, diin siya gitudlo nga usa ka bishoop niadtong 1839. Gidawat siya sa Konseho sa Kalim-an niadtong Marso 1844.
Human sa kamatayon ni Joseph Smith, si Whitney ginganlan nga sinaligan alang sa Simbahan. Unya niadtong 1844 gitudlo siya nga “unang bishop” sa Simbahan. Mibalhin siya kauban sa mga Santos sa Ulahing mga Adlaw ngadto sa Walog sa Salt Lake niadtong 1848, diin, pagkasunod tuig, gitudlo na usab siya nga bishop.
Mga Pakisayran sa Doktrina ug mga Pakigsaad
Doktrina ug mga Pakigsaad 63, 64, 72, 78, 82, 84, 93, 96, 104, 117