Selah Griffin

(ca. 1795–human 1860)

Si Selah Griffin natawo sa Virginia ug nakigminyo og usa ka babaye nga ginganlan og Polly. Nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw niadtong Hunyo 1831. Human naordinahan nga usa ka elder ni Joseph Smith, si Griffin gitawag pinaagi sa pagpadayag nga moserbisyo og misyon ngadto sa Missouri niadtong 1831 (Doktrina ug mga Pakigsaad 52:32; 56:5–6), nga iyang gituman. Pagkahuman mibalhin siya ngadto sa Distrito sa Jackson, Missouri. Niadtong 1833 mibalhin siya kauban sa mga Santos ngadto sa Distrito sa Clay, Missouri. Niadtong Pebrero 1835, gitudlo siya nga usa ka sakop sa Ikaduhang Korum sa Seventy. Nianang sama nga tuig gitudlo siya nga sakop sa high council sa Kirtland. Niadtong 1836 mibalhin siya ngadto sa Distrito sa Caldwell, Missouri. Pagka-1840 nagpuyo siya sa Distrito sa Knox, Illinois.

Mga Pakisayran sa Doktrina ug mga Pakigsaad

Doktrina ug mga Pakigsaad 52, 56

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Selah J. Griffin ana sa Biyograpikanhong Database sa Kasaysayan sa Simbahan

Tan-awa ang Selah J. Griffin sa FamilySearch