Mga Kapanguhaan sa Kasaysayan sa Doktrina ug mga Pakigsaad: John C. Bennett, Mga Kapanguhaan sa Kasaysayan sa Doktrina ug mga Pakigsaad (2025)
John C. Bennett, Mga Kapanguhaan sa Kasaysayan sa Doktrina ug mga Pakigsaad (2025)
John C. Bennett
(1804–67)
John C. Bennett, 1842, kinulit pinaagi ni Oliver Pelton gikan sa drowing ni Alvan Clark, Church History Library, PH 1700 5100.
Si John C. Bennett natawo sa Fairhaven, Massachusetts. Siya nakigminyo ni Mary A. Barker niadtong 1826 ug mibalhin ngadto sa Nauvoo, Illinois, niadtong 1840, diin siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw. Siya mitabang sa pagsulat ug pagseguro nga mahimong legal ang siyudad sa Nauvoo nianang sama nga tuig. Niadtong 1841–42, siya miserbisyo isip kaabag nga presidente sa Unang Kapangulohan ug naghupot ug daghang taas nga pangsibiko ug katilingbanon nga mga posisyon. Niadtong 1842, si Bennett gipahimulag tungod sa pagpanapaw, natangtang sa daghan sa iyang pangsibiko ug katilingbanon nga mga posisyon, ug nadiborsiyo sa iyang asawa. Human sa iyang pagkatangtang sa Simbahan, siya mipasangil diha sa publiko ni Joseph Smith tungod sa pagpanapaw ug pagplano sa Mayo 1842 nga pagsulay og patay sa kanhi gobernador sa Missouri nga si Lilburn W. Boggs. Si Bennett miawhag sa mga opisyales sa Missouri ug Illinois sa pagpabalik sa 1838 nga kaso nga pagbudhi batok ni Joseph Smith, nga miresulta sa pag-aresto ni Joseph smith niadtong Hunyo 1843. Si Bennett nakigminyo ni Sarah Ryder niadtong 1843. Siya nakiglambigit sa ubang mga simbahan nga mibiya sa Simbahan taliwala sa 1843 ug 1847.
Mga Pakisayran sa Doktrina ug mga Pakigsaad