Mga Kapanguhaan sa Kasaysayan sa Doktrina ug mga Pakigsaad: Sidney Rigdon

Mga Kapanguhaan sa Kasaysayan sa Doktrina ug mga Pakigsaad: Sidney Rigdon, Mga Kapanguhaan sa Kasaysayan sa Doktrina ug mga Pakigsaad (2025)

Sidney Rigdon, Mga Kapanguhaan sa Kasaysayan sa Doktrina ug mga Pakigsaad (2025)

Sidney Rigdon

(1793–1876)

Si Sidney Rigdon natawo sa St. Clair, Pennsylvania, niadtong 1793. Iyang giminyoan si Phebe Brooks niadtong 1820. Usa siya ka kanhi tigsangyaw sa reformed Baptist sa wala pa moapil sa Ang Simbahan ni Jesukristo sa mga Santos sa Ulahing mga Adlaw didto sa Distrito sa Geauga, Ohio, niadtong Nobiyembre 1830. Nahimo siya dayon nga tigsulat ni Joseph Smith ug gitudlo nga mobiyahe uban kaniya ngadto sa Missouri niadtong 1831 (Doktrina ug mga Pakigsaad 52:3). Niadtong 1832, si Rigdon gitudlo nga usa sa mga magtatambag ni Joseph Smith ug gitudlo usab nga usa ka sakop sa Nagkahiusang Kapunongan (Doktrina ug mga Pakigsaad 82:11). Niadtong 1833, si Rigdon ug si Frederick G. Williams, isip mga magtatambag ni Joseph Smith sa kapangulohan sa halangdon nga pagkapari, “giisip nga kapareha” ni Joseph Smith “sa paghupot sa mga yawe niining kataposan nga gingharian” (Doktrina ug mga Pakigsaad 90:6). Si Rigdon gipriso kauban ni Joseph Smith ug ubang mga Santos sa Ulahing mga Adlaw sa bilanggoan sa Liberty, Missouri, gikan sa Disyembre 1838 hangtod Pebrero 1839, sa dihang siya gibuhian. Niadtong 1839, miuban siya ni Joseph Smith ngadto sa Washington DC aron mosulay sa pagpangayo og kompensasyon tungod sa kadaot nga nahiagoman sa mga Santos sa Ulahing mga Adlaw didto sa Missouri, apan napakyas ang pagsulay. Unya si Rigdon miapil sa unang pundok sa mga Santos sa ilang bag-ong panimuyo sa Nauvoo, Illinois. Human sa pagkamartir ni Joseph Smith, si Rigdon miangkon sa katungod sa pagpangulo sa Simbahan. Pagkahuman gipahimulag gikan sa simbahan niadtong 1844 ug misugod sa iyang kaugalingon nga simbahan didto sa Pittsburgh, Pennsylvania.

Mga Pakisayran sa Doktrina ug mga Pakigsaad

Doktrina ug mga Pakigsaad 35, 36, 37, 40, 41, 42, 44, 49, 52, 53, 55, 58, 60, 61, 63, 70, 71, 73, 76, 78, 82, 90, 93, 100, 102, 103, 104, 111, 112, 115, 124