“Mga Kapanguhaan sa Kasaysayan sa Doktrina ug mga Pakigsaad: Hyrum Smith,” Mga Kapanguhaan sa Kasaysayan sa Doktrina ug mga Pakigsaad (2025)
Hyrum Smith, Mga Kapanguhaan sa Kasaysayan sa Doktrina ug mga Pakigsaad (2025)
Hyrum Smith
(1800–44)
Hyrum Smith, litrato sa usa ka kinulit ni Frederick Piercy, Charles R. Savage Studio, Church History Library, PH 4521.
Si Hyrum Smith, magulang ni Joseph Smith Jr., natawo sa Tunbridge, Vermont. Nakigminyo si Hyrum kang Jerusha Barden pagka-1826. Gibunyagan siya ni Joseph Smith niadtong Hunyo 1829, mao ang usa sa Walo ka Saksi sa Basahon ni Mormon, ug usa sa unom ka orihinal nga mga Saksi sa Basahon ni Mormom ug usa sa unom ka orihinal nga mga miyembro sa Ang Simbahan ni Jesukristo sa mga Santos sa Ulahing mga Adlaw, nga naorganisar niadtong Abril 6, 1830. Pipila ka nag-unang mga pagpadayag gidirekta ngadto kaniya (Dotrina ug mga Pakigsaad 11; 23). Mibalhin siya kauban sa mga Santos ngadto sa Kirtland, Ohio, niadtong 1831. Niadtong 1831–1832, gitawag siya pinaagi sa pagpadayag sa pagserbisyo og mga misyon (Doktrina ug mga Pakigsaad 52:8; 75:32). Pagka-1834 mimartsa siya gikan sa Ohio ngadto sa Missouri isip kabahin sa Kampo sa Israel (tan-awa sa Doktrina ug mga Pakigsaad 103:39).
Wala madugay human sa kamatayon sa iyang unang asawa niadtong 1837, nakigminyo siya ni Mary Fielding. Usab niadtong 1837, gipili siya nga ikaduhang magtatambag sa Unang Kapangulohan (tan-awa sa Doktrina ug mga Pakigsaad 115:1). Milalin siya ngadto sa Missouri niadtong 1838. Niana nga tingtugnaw, nabilanggo siya kauban ni Joseph Smith ug sa uban sa bilanggoan sa Libery, Missouri. Human niana mibalhin siya sa Nauvoo, Illinois.
Si Hyrum ang mipuli sa iyang amahan isip patriarch sa Simbahan niadtong 1840. Pagka-Enero 1841, usa ka pagpadayag ang nag-release kang Hyrum sa iyang katungdanan isip magtatambag ug nagngalan kaniya nga usa ka propeta, manalagna, ug tigpadayag sa Unang Kapangulohan (Doktrina ug mga Pakigsaad 124:91–96). Si Hyrum gimartir kauban sa iyang igsoon didto sa Carthage, Illinois, pagka-Hunyo 1844 (Doktrina ug mga Pakigsaad 135). Si Hyrum usa sa ilado nga kalalakin-an nga nakita sa iyang anak nga si Joseph F. Smith sa kalibotan sa mga espiritu sa iyang 1918 nga pagpadayag (Doktrina ug mga Pakigsaad 138:53).
Mga Pakisayran sa Doktrina ug mga Pakigsaad
Doktrina ug mga Pakigsaad 11, 23, 53, 75, 94, 103, 111, 112, 115, 124, 135, 138