Mga Kapanguhaan sa Kasaysayan sa Doktrina ug mga Pakigsaad: Sylvester Smith, Mga Kapanguhaan sa Kasaysayan sa Doktrina ug mga Pakigsaad (2025)
Sylvester Smith, Mga Kapanguhaan sa Kasaysayan sa Doktrina ug mga Pakigsaad (2025)
Sylvester Smith
(1806–80)
Si Sylvester Smith natawo sa Tyringham, Massachusetts. Iyang giminyoan si Elizabeth Frank niadtong 1827. Pagka-Hunyo 1831, nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw ug giordinahan nga usa ka elder. Unya nianang tuiga, giordinahan siya nga usa ka high priest ni Oliver Cowdery. Niadtong 1832 si Smith miserbisyo og misyon ngadto sa New England kauban ni Gideon Carter (tan-awa sa Doktrina ug mga Pakigsaad 75:34). Pagka-1834 si Smith mibalhin ngadto sa Kirtland, Ohio, diin siya nahimong sakop sa unang high council sa Simbahan (Doktrina ug mga Pakigsaad 102:3, 34). Sa samang tuig, miapil siya sa ekspidesyon sa Kampo sa Israel ngadto sa Missouri. Unya siya gihusay sa high council sa Kirtland tungod sa paghimo og bakak nga mga pasangil batok ni Joseph Smith, apan human siya mokompisal nagpabilin siya sa iyang pagkamiyembro. Niadtong 1835, gitudlo siya nga presidente sa Unang Korum sa Seventy, ug niadtong 1836 nahimo siyang temporaryong tigsulat ni Joseph Smith. Pagka-1838, mibiya siya sa Simbahan.
Mga Pakisayran sa Doktrina ug mga Pakigsaad