Joseph Coe

(1784–1854)

Si Joseph Coe natawo sa Distrito sa Cayuga, New York, niadtong 1784. Siya nakigminyo ni Sophia Harwood sa mga 1824. Niadtong 1831 siya mipasakop sa Ang Simbahan ni Jesukristo sa mga Santos sa Ulahing mga Adlaw, gi-orden nga elder, ug mibalhin sa Kirtland, Ohio. Niadtong Hunyo, siya gitawag pinaagi sa pagpadayag sa usa ka misyon ngadto sa Missouri (Doktrina ug mga Pakigsaad 55:6), ug wala madugay nianang tuiga, siya mituman niana nga misyon ingon man ang usa ngadto sa New York. Nianang sama nga tuig siya gi-orden nga usa ka high priest. Niadtong 1834 siya gitudlo ngadto sa halangdon nga konseho sa Kirtland (Doktrina ug mga Pakigsaad 102:3), ug siya nagpabilin niana nga konseho hangtod sa 1837. Niadtong 1835 siya mitampo og ikatulo nga bahin sa pundo nga gigamit sa pagpalit sa mga mummy ug papyri nga adunay kalabotan sa paghubad ni Joseph Smith sa Basahon ni Mormon. Niadtong Disyembre 1837, atol sa panagsumpaki diha sa Simbahan, si Coe napahimulag. Siya nagpabilin sa Kirtland, diin siya namatay niadtong 1854.

Mga Pakisayran sa Doktrina ug mga Pakigsaad

Doktrina ug mga Pakigsaad 55, 102

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Joseph Coe diha sa Biyograpikanhong Database sa Kasaysayan sa Simbahan

Tan-awa ang Joseph Coe sa FamilySearch