Mga Kapanguhaan sa Kasaysayan sa Doktrina ug mga Pakigsaad: Charles C. Rich, Mga Kapanguhaan sa Kasaysayan sa Doktrina ug mga Pakigsaad (2025)
Charles C. Rich, Mga Kapanguhaan sa Kasaysayan sa Doktrina ug mga Pakigsaad (2025)
Charles C. Rich
(1809–83)
Charles C. Rich, ca. 1870, litrato pinaagi ni Charles R. Savage, Church History Library, PH 7189.
Si Charles C. Rich natawo sa Distrito sa Campbell, Kentucky. Nabunyagan siya sa Ang Simbahan ni Jesukristo sa mga Santos sa Ulahing mga Adlaw, pagka-Hunyo 1832 ug gi-orden nga elder pagkasunod bulan. Miapil siya sa ekspedisyon sa Kampo sa Israel ngadto sa Missouri pagka-1834. Sa misunod nga mga tuig, miserbisyo siya og misyon sa Illinois, gi-orden nga usa ka high priest, ug nahimong presidente sa mga korum sa high priest sa Missouri. Nakigminyo siya ni Sarah DeArmon Pea pagka-1838. Pagka-1839 mibalhin siya sa Commerce, Illinois, nga nausab ang ngalan sa wala madugay ngadto sa Nauvoo, diin gipili siya nga sakop sa high council sa stake sa Nauvoo. Wala magdugay nagserbisyo siya sa kapangulohan sa stake sa Nauvoo ingon man sa pipila ka pangsibiko nga katungdanan. Niadtong 1842–44 nagserbsiyo siya og mga misyon sa Illinois ug Michigan ug gidawat sa Council of Fifty. Pagkasunod tuig, napili siya nga sinaligang tigdumala sa mga kabtangan sa lungsod sa Nauvoo. Pagka-1846, si Rich nagserbisyo isip tigdumala nga elder sa Mount Pisgah, Teritoryo sa Iowa. Milalin siya ngadto sa Walog sa Salt Lake, sa Teritoryo sa Utah, pagka-1847 ug gi-orden ni Brigham Young nga sakop sa Korum sa Napulog Duha ka Apostoles pagka-1849. Wala madugay nagserbisyo siya og pipila ka misyon ug miserbisyo sa komitiba sa konstruksiyon alang sa templo sa Logan, Teritoryo sa Utah.
Mga Pakisayran sa Doktrina ug mga Pakigsaad