Henry G. Sherwood

(1785–1867)

Si Henry G. Sherwood natawo sa Kingsbury, New York, niadtong 1785. Siya nakigminyo ni Jane J. McManagal (gi-spelling usab nga McMangle) sa mga 1824. Si Sherwood gibunyagan ngadto sa Ang Simbahan ni Jesukristo sa mga Santos sa Ulahing mga Adlaw pagka Agosto 1832, sa dihang siya gi-orden nga elder. Mga duha ka tuig human niana, siya mibalhin ngadto sa Kirtland, Ohio, diin siya miserbisyo sa halangdon nga konseho. Siya naminyo og usab ngadto ni Marcia Abbott sa mga 1835. Pagkasunod tuig, si Sherwood miserbisyo og misyon sa Ohio, Kentucky, ug Tennessee. Siya usab stockholder sa Kirtland Safety Society. Niadtong 1839 siya mitabang sa pagdumala sa pagpapahawa sa mga Santos sa Ulahing mga Adlaw gikan sa Missouri. Nianang sama nga tuig, siya mibalhin og puyo sa Commerce, Illinois, nga sa wala madugay giusab ang ngalan og Nauvoo, diin siya usa ka sakop sa halangdon nga konseho sa Nauvoo. Siya usab gitudlo sa halangdon nga konseho sa Nauvoo sa pagdumala sa pagbaligya og mga yuta sa lungsod didto sa Commerce. Niadtong Enero 1841, usa ka pagpadayag ang nagsugo kaniya sa pagpalit og stock alang sa pagtukod sa Balay sa Nauvoo (Doktrina ug mga Pakigsaad 124:81). Niadtong 1847 siya milangyaw sa Walog sa Salt Lake, sa Teritoryo sa Utah. Niadtong 1852 siya miserbisyo og giprotektahan sa gobyerno nga misyon ngadto sa San Bernardino, California. Siya mibalik sa Teritoryo sa Utah niadtong 1855 ug nadismaya sa Simbahan wala madugay sukad niana.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Henry G. sherwood diha sa Biyograpikanhong Database sa Kasaysayan sa Simbahan

Tan-awa ang Henry G. Sherwood sa FamilySearch