Solomon Hancock

(1793 o 1794–1847)

Si Solomon Hancock natawo sa Springfield, Massachusetts. Iyang giminyoan si Alta Adams niadtong 1815. Sa Ohio niadtong Nobiyembre 1830, gibunyagan siya ngadto sa Ang Simbahan ni Jesukristo sa mga Santos sa Ulahing mga Adlaw. Pagkasunod Hunyo naordinahan na siya nga usa ka elder ug dayon usa ka high priest, pagkahuman gitudlo siya pinaagi sa pagpadayag nga moserbisyo og misyon ngadto sa Missouri (Doktrina ug mga Pakigsaad 52:27). Nagpuyo siya sa Distrito sa Jackson, Missouri, pagka-1833. Gitudlo siya ngadto sa high council sa Zion sa Distrito sa Clay, Missouri, niadtong 1834 ug miserbisyo og misyon ngadto sa silangang Estados Unidos. Ang asawa ni Hancock namatay niadtong 1836. Iyang giminyoan si Phebe Adams nianang Hunyo ug mibalhin ngadto sa Distrito sa Caldwell, Missouri, pagka-Disyembre. Miserbisyo siya isip usa ka sakop sa high council sa Zion didto sa Far West, Missouri, gikan sa 1837 hangtod 1839. Kauban sa ubang mga Santos, gipapahawa siya gikan sa Missouri sa tingpamulak sa 1839 ug mibalhin ngadto sa Illinois. Didto, niadtong 1843, gitudlo siya nga usa ka sakop sa high council sa Lima. Siya nagdumala sa branch sa Simbahan sa Yelrome (Panimuyo sa Morley, unya sa Tioga), Illinois, sa mga 1844. Namatay siya duol sa unsay nahimong Council Bluffs, Iowa.

Mga Pakisayran sa Doktrina ug mga Pakigsaad

Doktrina ug mga Pakigsaad 52

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Solomon Hancock diha sa Biyograpikanhong Database sa Kasaysayan sa Simbahan

Tan-awa ang Solomon Hancock sa FamilySearch