Mga Kapanguhaan sa Kasaysayan sa Doktrina ug mga Pakigsaad: Leman Copley, Mga Kapanguhaan sa Kasaysayan sa Doktrina ug mga Pakigsaad (2025)
Leman Copley, Mga Kapanguhaan sa Kasaysayan sa Doktrina ug mga Pakigsaad (2025)
Leman Copley
(ca. 1781–1862)
Si Leman Copley natawo sa Connecticut. Mga panahon human sa 1800, siya miapil sa United Society of Believers in Christ’s Second Appearing, nga ilado isip ang Shakers. Mga panahon sa wala pa ang 1820, siya ug ang iyang asawa, si Sally Cooley, mibalhin ngadto sa Thompson Township, Ohio. Pagka-1831, si Copley gibunyagan ngadto sa Ang Simbahan ni Jesukristo sa mga Santos sa Ulahing mga Adlaw. Sa Mayo nianang tuiga, siya gitawag pinaagi sa pagpadayag nga mokuyog ni Sidney Rigdon ug Parley P. Pratt sa pagsangyaw sa ebanghelyo ngadto sa usa ka pundok sa Shakers didto sa Ohio (Doktrina ug mga Pakigsaad 49). Si Copley mitugot sa mga Santos sa Ulahing mga Adlaw nga gikan sa Colesville, New York, sa pagpuyo diha sa iyang yuta sa Ohio, apan niadtong Hunyo 1831, iyang gibakwi kini nga kasabotan (Doktrina ug mga Pakigsaad 54:4–5). Sa dihang ang tibuok pundok sa mga Santos sa Ulahing mga Adlaw mibalhin gikan sa Ohio padulong sa Missouri niadtong 1838, si Copley mipili nga magpabilin sa Ohio. Siya miapil sa James Brewster’s Church of Christ niadtong 1849, ug sa wala madugay siya miapil sa Church of Christ ni Austin Cowles.
Mga Pakisayran sa Doktrina ug mga Pakigsaad