Mga Kapanguhaan sa Kasaysayan sa Doktrina ug mga Pakigsaad: Josiah Butterfield, Mga Kapanguhaan sa Kasaysayan sa Doktrina ug mga Pakigsaad (2025)
Josiah Butterfield, Mga Kapanguhaan sa Kasaysayan sa Doktrina ug mga Pakigsaad (2025)
Josiah Butterfield
(1795–1871)
Si Josiah Butterfield, sa wala pa mag-1871, litrato.
Si Josiah Butterfield natawo sa Dunstable, Massachusetts. Nakigminyo siya ni Polly Moulton pagka-1819. Sa wala madugay namalhin sila sa Main, diin, pagka-1833, nabunyagan siya sa Ang Simbahan ni Jesukristo sa mga Santos sa Ulahing mga Adlaw. Mibalhin siya sa Kirtland, Ohio, gibanabana nga mga 1834. Pagka-1834 ug 1836, miserbisyo siya og mga misyon ngadto sa Maine ug Vermont. Usab pagka-1836, gi-orden siya nga usa ka Seventy. Si Butterfield usa ka stockholder sa Kirtland Safety Society. Pagka-1837, gitudlo siya nga presidente sa Seventy. Mitabang siya sa paglalin sa Kampo sa Kirtland ngadto sa Missouri niadtong 1838; paglabay sa usa ka tuig, miserbisyo siya sa usa ka komitiba nga nagmando sa pagpapahawa sa mga Santos gikan sa Missouri. Si Butterfield gipahimulag pagka-1844; nabunyagan siya og balik sa Simbahan pagka-Enero 1846. Nakigminyo siya og balik ni Margaret Lawrence pagka-Enero 1846 ug dayon ngadto sa usa ka babaye nga ginganlan og Clarinda pagka-1853, malagmit sa California. Nagpabunyag siya sa Reorganized Church of Jesus Christ of Latter Day Saints pagka-1865 sa California.
Mga Pakisayran sa Doktrina ug mga Pakigsaad