John Gould

(1784–1855)

Si John Gould natawo sa New Hampshire niadtong 1784. Siya nakigminyo ni Oliva Swanson mga panahon sa wala pa ang 1808. Si Gould ug ang iyang pamilya mibalhin gikan sa New Hampshire ngadto sa Vermont ug Pennsylvania sa wala pa sa kataposan mopuyo sa New York niadtong 1830. Niadtong Disyembre 1832, si Gould gibunyagan ngadto sa Ang Simbahan ni Jesukristo sa mga Santos sa Ulahing mga Adlaw ug gi-orden nga elder sa Distrito sa Chautauque, New York. Siya mibalhin ngadto sa Kirtland, Ohio, pagka 1833. Niadtong Agosto 1833, pinaagi sa direksyon ni Joseph Smith, siya mibiyahe kauban ni Orson Hyde ngadto sa Missouri aron hatagan og instruksiyon ang mga lider sa simbahan kabahin sa legal nga pagbawi ug proteksiyon alang sa mga miyembro sa simbahan didto. Pagkasunod tuig, iyang gitabangan si Joseph Smith nga mangagni og mga boluntaryo alang sa ekspedisyon sa Kampo sa Israel ngadto sa Missouri. Pagka Abril 1836, siya miapil sa Ikaduhang Korum sa Seventy, ug sa wala madugay siya miserbisyo isip presidente sa Seventy. Niadtong 1846, siya nahimong kaanib sa Church of Jesus Christ of Latter Day Saints ni James J. Strang.

Mga Pakisayran sa Doktrina ug mga Pakigsaad

Doktrina ug mga Pakigsaad 100

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

John Gould diha sa Biyograpikanhong Database sa Kasaysayan sa Simbahan

Tan-awa ang John Gould sa FamilySearch