Mga Kapanguhaan sa Kasaysayan sa Doktrina ug mga Pakigsaad: John Corrill, Mga Kapanguhaan sa Kasaysayan sa Doktrina ug mga Pakigsaad (2025)
John Corrill, Mga Kapanguhaan sa Kasaysayan sa Doktrina ug mga Pakigsaad (2025)
John Corrill
(1794–1842)
Si John Corrill natawo sa Distrito sa Worcester, Massachusetts. Panahon sa mga 1830, siya nakigminyo ni Margaret Lyndiff. Siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw sa Kirtland, Ohio, ug gi-orden nga elder niadtong Enero 1831. Si Corrill gitawag pinaagi sa pagpadayag nga moserbisyo og mga misyon niadtong 1831 (Doktrina ug mga Pakigsaad 50:38; 52:7). Human magserbisyo sa New London, Ohio, siya gi-orden nga usa ka high priest ug gitudlo nga ikaduhang magtatambag ni Bishop Edward Partridge, kansang tawag iyang gihuptan hangtod 1837. Sa kaulahiang bahin sa 1831, siya mibalhin ngadto sa Distrito sa Jackson, Missouri, diin siya nangulo sa pundok sa mga miyembro sa Simbahan hangtod sa 1833. Niadtong Nobiyembre 1833, gipapahawa siya gikan sa Distrito sa Jackson kauban sa mga Santos ug mibalhin ngadto sa Distrito sa Clay, Missouri. Gikan sa 1834 hangtod 1836 siya mipuyo sa Kirtland ug mitabang sa pagtukod sa templo. Dayon mibalik siya sa Missouri, mitabang sa pagtukod sa Far West, ug gitudlo nga “Magbalantay sa balay-tipiganan sa Ginoo” didto.
Si Corrill gitudlo nga usa ka magsusulat sa kasaysayan sa Simbahan niadtong Abril 1838. Niana nga Nobiyembre siya misaksi batok ni Joseph Smith sa dihang siya gikasohan tungod sa pagbudhi nga may kalambigitan sa kagubot sa Missouri. Sa misunod nga tuig, samtang nagpuyo sa Illinois, si Corrill gipahimulag. Niadtong 1839 iyang gimantala ang A Brief History of the Church of Christ of Latter Day Saints, (Commonly Called Mormons) [Usa ka Mubo nga Kasaysayan sa Simbahan ni Kristo sa mga Santos sa Ulahing mga Adlaw, (Ilado sa Tawag nga mga Mormon)].
Mga Pakisayran sa Doktrina ug mga Pakigsaad