Mga Kapanguhaan sa Kasaysayan sa Doktrina ug mga Pakigsaad: John Smith, Mga Kapanguhaan sa Kasaysayan sa Doktrina ug mga Pakigsaad (2025)
John Smith, Mga Kapanguhaan sa Kasaysayan sa Doktrina ug mga Pakigsaad (2025)
John Smith
(1781–1854)
John Smith, litrato, Church History Library, PH 4820.
Si John Smith, manghod ni Joseph Smith Sr., natawo sa Derryfield (nahimong Manchester), New Hampshire, niadtong 1781. Nakigminyo siya ni Clarissa Lyman pagka-1815. Niadtong Enero 1832, nabunyagan siya sa Ang Simbahan ni Jesukristo sa mga Santos sa Ulahing mga Adlaw ug na-orden nga elder. Sukad 1833 hangtod 1838 nagpuyo siya sa Kirtland, Ohio, diin nahimo siyang sakop sa unang high council sa Simbahan (Doktrina ug mga Pakigsaad 102:3). Sa wala madugay nahimo siyang presidente sa high council ug kasosyo sa negosyo sa Kirtland Safety Society. Pagka-1836 gikuyogan niya si Joseph Smith Sr. sa usa ka misyon sa sidlakang Estados Unidos. Mibalhin siya sa Far West, Missouri, pagka-Abril 1838, ug kapin sa duha ka bulan ang milabay, gipili siya nga presidente sa stake sa Adam-Ondi-Ahman, Missouri. Human ang mga Santos gihinginlan gikan sa Missouri, mibalhin siya ngadto sa Nauvoo, Illinois, pagka-Hunyo 1839. Sa misunod nga Oktubre, mibalhin siya sa Distrito sa Lee, Teritoryo sa Iowa, aron moserbisyo isip presidente sa branch didto. Pagka-1844 si Smith gi-orden nga patriyarka ug gipili isip presidente sa stake sa Nauvoo. Milalin siya kauban sa mga Santos ngadto sa Walog sa Salt Lake sa Teritoryo sa Utah pagka-1846–1847, diin didto gi-orden siya nga patriyarka sa Simbahan pagka-1 sa Enero 1849.
Mga Pakisayran sa Doktrina ug mga Pakigsaad