Wheeler Baldwin

(1793–1887)

Si Wheeler Baldwin natawo sa New York. Niadtong 1812 iyang giminyoan si Mary Porter, pagkahuman miserbisyo siya sa Gubat sa 1812. Pagka-1830, mibalhin siya ngadto sa Ohio, diin, niadtong Enero 1831, nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw. Pagka-Hunyo 1831 giordinahan siya nga usa ka elder ug dayon usa ka high priest. Nianang bulana gitudlo siya pinaagi sa pagpadayag nga moserbisyo og misyon ngadto sa Missouri (Doktrina ug mga Pakigsaad 52:31), pagkahuman mibalhin siya ngadto sa Distrito sa Jackson, Missouri. Miserbisyo siya isip tigdumalang elder sa usa ka branch didto niadtong 1832 ug mitambong og mga miting sa high priest sa Distrito sa Jackson niadtong 1832 ug 1833. Si Baldwin mibalhin kauban sa mga Santos ngadto sa Distrito sa Lee, Teritoryo sa Iowa pagka-1840 ug ngadto sa Distrito sa Pottawattamie, Iowa, pagka-1850.

Niadtong mga 1850, si Baldwin miapil sa pipila ka laing mga simbahan nga nangangkon nga maoy mopuli ni Proheta Joseph Smith, sa kataposan miapil sa Giorganisar Pag-usab nga Simbahan ni Jesukristo sa mga Santos sa Ulahing mga Adlaw sa tinglarag niadtong 1859.

Mga Pakisayran sa Doktrina ug mga Pakigsaad

Doktrina ug mga Pakigsaad 52

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Wheeler Baldwin anaa sa Biyograpikal nga Database sa Kasaysayan sa Simbahan

Tan-awa ang Wheeler Baldwin sa FamilySearch