Mga Kapanguhaan sa Kasaysayan sa Doktrina ug mga Pakigsaad: Oliver Granger Mga Kapanguhaan sa Kasaysayan sa Doktrina ug mga Pakigsaad (2025)
Oliver Granger, Mga Kapanguhaan sa Kasaysayan sa Doktrina ug mga Pakigsaad (2025)
Oliver Granger
(1798–1841)
Si Oliver Granger natawo sa Phelps, New York. Iyang giminyoan si Lydia Dibble niadtong 1813. Niadtong 1827 parsyal siya nabuta, usa ka kondisyon nga milungtad hangtod sa kataposan sa iyang kinabuhi. Nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw ug naordinahan nga usa ka elder ni Brigham ug Joseph Young sa mga 1832 o 1833, pagkahuman mibalhin siya ngadto sa Kirtland, Ohio. Mga tunga-tunga sa 1833 ug 1836, si Granger miserbisyo og misyon sa silangang bahin sa Estados Unidos. Niadtong 1836 giordinahan siya nga usa ka high priest ug dayon miserbisyo og misyon ngadto sa New York. Gitudlo ngadto sa high council sa Kirtland niadtong 1837. Pagkasunod tuig, gisangonan siya sa paghusay sa mga kalihokan sa negosyo ni Joseph Smith sa Kirtland. Mibiya siya sa Kirtland padulong sa Far West, Missouri, niadtong Hunyo 1838, tingali aron sa pagsusi sa uban didto mahitungod sa mga kalihokan. Niadtong Hulyo 1838, si Granger gisugo pinaagi sa pagpadayag sa pagpadayon sa paghusay sa mga kalihokan sa Unang Kapangulohan sa Kirtland (Doktrina ug mga Pakigsaad 117:12–15). Mibalik siya ngadto sa Kirtland aron buhaton kini ug dayon milihok isip usa ka tinugyanan sa pagseguro sa mga yuta sa Distrito sa Lee, Terotoryo sa Iowa. Si Granger gitudlo nga modumala sa Simbahan sa Kirtland niadtong 1839. Namatay siya sa Kirtland niadtong 1841.
Mga Pakisayran sa Doktrina ug mga Pakigsaad