Lilburn W. Boggs

(1796–1860)

Lilburn W. Boggs, nga litograpiya.

Si Lilburn W. Boggs natawo sa Lexington, Kentucky. Miserbsiyo siya sa Gubat pagka-1812 ug dayon mibalhin ngadto sa Teritoryo sa Missouri. Pagka-1817, nakigminyo siya ni Julia Ann Bent; human sa iyang pagkamatay, nakigminyo siya ni Panthea Grant Boone pagka-1823. Pagka-1826 mibalhin siya sa Independence, Missouri. Napili siya sa senado sa estado sa tiket sa Demokratiko niadtong 1826 ug 1828. Pagka-1832, napili siya nga tenyente gobernador sa estado. Nahimo siyang gobernador dihang ang nag-una kaniya, si Daniel Dunklin, miluwat sa iyang katungdanan pagka-1836; si Boggs miserbisyo hangtod 1840. Isip gobernador, gitugot niya ang 1838 nga pagpalayas sa mga Santos sa Ulahing mga Adlaw gikan sa Missouri ubos sa ginganlan niya og “sugo sa pagpatay” (tan-awa sa Doktrina ug mga Pakigsaad 124, ulohan sa seksiyon). Human makaserbisyo isip gobernador, mibalik siya sa Independence. Nasamdan siya og grabe dihang gisulayan sa pagpatay pagka-Mayo 1842 ug giakusahan si Joseph Smith nga nakigkunsabo kang Orrin Porter Rockwell aron himoon kadto nga krimen. Naayo siya, miserbisyo sa senadto sa estado pagka-1842–46, ug sa kataposan milalin ngadto sa California, diin didto siya namatay.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Mga Santos, vol. 1, Ang Sumbanan sa Kamatuoran

Tan-awa ang Lilburn W. Boggs sa FamilySearch