Mga Kapanguhaan sa Kasaysayan sa Doktrina ug mga Pakigsaad: Zebedee Coltrin, Mga Kapanguhaan sa Kasaysayan sa Doktrina ug mga Pakigsaad (2025)
Zebedee Coltrin, Mga Kapanguhaan sa Kasaysayan sa Doktrina ug mga Pakigsaad (2025)
Zebedee Coltrin
(1804–87)
Zebedee Coltrin, ca. 1865, litrato nga charcoal, Church History Library, PH 1700 3734.
Si Zebedee Coltrin natawo sa Ovid, New York, niadtong 1804. Iyang giminyoan si Julia Ann Jennings niadtong Oktubre 1828. Niadtong Enero 1831 nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw ug naordinahan nga usa ka elder. Niadtong Hunyo 1831, gitawag siya pinaagi sa pagpadayag nga moserbisyo og misyon kauban si Levi Hancock (Doktrina ug mga Pakigsaad 52:29). Atol sa 1831 ug 1832, nagserbisyo siya sa mga misyon nga nangita og katudloan didto sa Missouri, Illinois, Indiana, Michigan, ug Ohio. Pagkasunod tuig, miapil siya sa miting sa pagsugod sa Tulunghaan sa mga Propeta didto sa Kirtland, Ohio. Atol sa usa niining sayo nga mga miting, siya ug ang uban nakakita ni Jesukristo ug mga anghel; si Coltrin nahinumdom nga sila nakakita sa Langitnong Amahan. Human makaserbisyo og mga misyon ngadto sa silangang bahin sa Estados Unidos ug sa Canada, si Coltrin mimartsa gikan sa Ohio ngadto sa Missouri isip kabahin sa Kampo sa Israel niadtong 1834. Balik sa Kirtland, gitudlo siya nga presidente sa Unang Korum sa Seventy niadtong Pebrero 1835 apan gibalhin ngadto sa korum sa mga high priest niadtong Abril 1837. Niadtong Pebrero 1843, duha ka tuig human mamatay ang iyang unang asawa, si Coltrin nakigminyo ni Mary Mott. Pagkasunod Hunyo siya nagpuyo sa Nauvoo, Illinois. Niadtong 1847 milalin siya ngadto sa Walog sa Salt Lake sa Teritoryo sa Utah kauban sa mga Santos.
Mga Pakisayran sa Doktrina ug mga Pakigsaad