Peter Haws

(1796–1862)

Si Peter Haws natawo sa Distrito sa Leeds, Distrito sa Johnstown (unya sa Ontario), sa Upper Canada. Iyang giminyoan si Charlotte Harrington. Human mabunyagi ngadto sa Ang Simbahan ni Jesukristo sa mga Santos sa Ulahing mga Adlaw, mibalhin siya ngadto sa Kirtland Ohio. Nagserbisyo siya og misyon kauban si Erastus Snow ngadto sa Illinois niadtong 1839 ug dayon mibalhin ngadto sa Illinois nianang sama nga tuig. Si Haws miserbisyo isip usa ka puli diha high council sa Nauvoo, Illinois, gikan sa 1840 hangtod 1844. Miserbisyo usab siya isip usa ka sinaligan sa Asosasyon sa Balay sa Nauvoo (tan-awa sa Doktrina ug mga Pakigsaad 124:62, 70). Gi-ordinahan siya nga usa ka high priest niadtong 1841. Niadtong 1843, miserbisyo siya og usa ka misyon kauban si Amasa Lyman aron makatigom og mga pundo alang sa pagtukod sa Templo sa Nauvoo ug sa Balay sa Nauvoo; sa ulahing bahin nianang tuiga, miserbisyo siya og usa ka misyon sa Mississippi ug Alabama. Niadtong Marso 1844, gidawat siya ngadto sa Konseho sa Kalim-an. Niadtong 1846 mibalhin si Haws ngadto sa dapit nga sa kaulahian ginganlan og Council Bluffs, Teritoryo sa Iowa. Human mobisita sa kolonya ni Lyman Wight sa Texas niadtong 1848, mibalik siya ngadto sa Council Bluffs, diin siya gipahimulag niadtong 1849.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Peter Haws diha sa Biyograpikanhong Database sa Kasaysayan sa Simbahan

Tan-awa ang Peter Haws sa FamilySearch