Noah Packard

(1796–1860)

Si Noah Packard natawo sa Plainfield, Massachusetts. Iyang giminyoan si Sophia Bunday niadtong 1820 ug nabunyagan ngadto sa Ang Simbahan ni Jesukristo sa mga Santos sa Ulahing mga Adlaw ni Parley P. Pratt niadtong 1832. Si Joseph Smith miorden ni Packard nga usa ka priest niadtong Disyembre 1832, pagkahuman si Packard gitawag nga moserbisyo og misyon didto sa Parkman, Ohio, diin siya nagpuyo. Niadtong 1833, mibiya siya aron moserbisyo og laing misyon ngadto sa silangang Estados Unidos, giordinahan nga usa ka Elder, ug gitudlo nga presidente sa branch sa Simbahan sa Parkman. Niadtong 1835, mibalhin siya ngadto sa Kirtland, Ohio, diin, niadtong 1836, giordinahan siya nga usa ka high priest ug nahimong sakop sa high council. Usa usab siya ka stockholder sa Kirtland Safety Society. Pagka-1839, si Packard mibalhin ngadto sa Commerce, Illinois, nga sa kaulahian giusab ang ngalan og Nauvoo. Nagserbisyo siya didto isip usa ka magtatambag sa kapangulohan sa korum sa mga high priest ubos ni Don Carlos Smith ug dayon ni George Miller gikan sa 1840 hangtod 1846. Si Packard nakaserbisyo og mga misyon sa lain-laing mga dapit sa Estados Unidos niadtong 1841–43 ug 1845. Niadtong 1845, nagserbisyo usab siya isip usa ka tinugyanan alang sa Simbahan sa pagkolekta og mga pundo didto sa Michigan alang sa Templo sa Nauvoo. Mibalhin siya ngadto sa Teritoryo sa Utah niadtong 1850.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Noah Packard diha sa Biyograpikanhong Database sa Kasaysayan sa Simbahan

Tan-awa ang Noah Packard sa FamilySearch