David Fullmer

(1803–79)

Si David Fullmer natawo sa Chillisquaque, Pennsylvania, niadtong 1803. Siya nakigminyo ni Rhoda Ann Marvin niadtong 1831. Niadtong Septiyembre 1836, si Fullmer gibunyagan ngadto sa Ang Simbahan ni Jesukristo sa mga Santos sa Ulahing mga Adlaw sa Ohio. Siya mibalhin ngadto sa Distrito sa Caldwell, Missouri, pagka- 1837, ug ngadto sa Distrito sa Daviess, Missouri niadtong 1838. Sa misunod nga tuig, siya mibalhin ngadto sa Commerce, Illinois, nga sa wala madugay giusab ang ngalan og Nauvoo. Didto siya gi-orden nga usa ka high priest ug nahimong sakop sa halangdon nga konseho sa Nauvoo. Niadtong 1844 siya miserbisyo og misyon sa Michigan. Si Fullmer sakop usab sa Konseho sa Kalim-an. Siya nangulo og pundok sa mga Santos sa Ulahing mga Adlaw nga mibiya sa Nauvoo niadtong 1846, ug niadtong 1847 siya mibalhin sa Winter Quarters sa wala maorganisar nga teritoryo sa Estados Unidos (sa wala madugay sa Omaha, Nebraska). Sa misunod nga tuig, siya mibalhin sa Siyudad sa Salt Lake nga mao ang mahimo nga Teritoryo sa Utah, diin siya namatay niadtong 1879.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

David Fullmer diha sa Biyograpikanhong Database sa Kasaysayan sa Simbahan

Tan-awa ang David Fullmer sa FamilySearch