Mga Kapanguhaan sa Kasaysayan sa Doktrina ug mga Pakigsaad: William Marks, Mga Kapanguhaan sa Kasaysayan sa Doktrina ug mga Pakigsaad (2025)
William Marks, Mga Kapanguhaan sa Kasaysayan sa Doktrina ug mga Pakigsaad (2025)
William Marks
(1792–1872)
Si William Marks, sa wala pa ang 1872, nga litrato.
Si William Marks natawo sa Rutland, Vermont, niadtong 1792. Iyang giminyoan si Rosannah R. Robinson niadtong 1813. Pagka-Abril 1835, si Marks nabunyagan ngadto sa Ang Simbahan ni Jesukristo sa mga Santos sa Ulahing mga Adlaw sa Portage, New York. Pagka-Septiyembre 1837, mibalhin siya ngadto sa Kirtland, Ohio, diin nagserbisyo siya sa high council sa Kirtland ug mao ang presidente sa stake sa Kirtland. Niadtong Hulyo 1838, usa ka pagpadayag mitudlo kaniya nga modumala sa Simbahan sa Far West, Missouri (Doktrina ug mga Pakigsaad 117:10), apan ang mga Santos sa Ulahing mga Adlaw sa wala madugay gipapahawa gikan niana nga estado. Human sa makadiyot nga pagpuyo sa Quincy, Illinois, mibalhin siya ngadto sa Nauvoo, Illinois, diin siya mao ang presidente sa stake ug sakop sa Konseho sa Kalim-an. Usa ka pagpadayag niadtong 1841 misugo kaniya nga mopalit og stock alang sa pagtukod sa Balay sa Nauvoo (Doktrina ug mga Pakigsaad 124:80). Human sa pagkamartir ni Joseph Smith, si Marks mibiya sa Nauvoo ug nahimong magtatambag ni James J. Strang sa Simbahan ni Jesukristo sa mga Santos sa Ulahing mga Adlaw. Tali sa 1852 ug 1855, miapil siya sa ubang mga simbahan nga nangangkon nga maoy sumusunod ni Propeta Joseph Smith. Niadtong Hunyo 1859, gibunyagan siya ngadto sa Reorganized Church of Jesus Christ of Latter-day Saints sa Amboy, Illinois.
Mga Pakisayran sa Doktrina ug mga Pakigsaad