George W. Harris

(1780–1857)

Si George W. Harris natawo sa Lanesboro, Massachusetts. Siya nakigminyo sa usa ka babaye nga ginganlan og Elizabeth sa mga 1800. Sa wala madugay siya naminyo og usab sa usa ka babaye nga ginganlan og Margaret, nga namatay niadtong 1828. Niadtong 1830, siya nakigminyo ni Lucinda Pendleton. Siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw ni Orson Pratt niadtong 1834 sa Indiana. Pagka-1836, siya mibalhin ngadto sa Far West, Missouri. Siya gitudlo ngadto sa halangdon nga konseho sa Far West ug gi-orden nga usa ka high priest niadtong Abril 1838. Human gipapahawa sa Missouri pagka-1839, siya mibalhin sa Illinois. Didto, sa Commerce, nga sa wala madugay giusab ang ngalan og Nauvoo, siya gitudlo ngadto sa halangdon nga konseho niadtong 1839. Si Harris misugod sa pag-adto sa kasadpan kauban sa panaw sa mga Santos sa Ulahing mga Adlaw gikan sa Nauvoo niadtong 1846 ug nagserbisyo isip bishop ug sakop sa halangdon nga konseho sa Council Bluffs, Teritoryo sa Iowa, nianang sama nga tuig. Siya namatay sa Council Bluffs.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

George W. Harris sa Biyograpikanhong Database sa Kasaysayan sa Simbahan

Tan-awa ang George W. Harris sa FamilySearch