O Se Malamalama Mamalu—Malumalu o Katelani, saunia e Glen S. Hopkinson

29 Setema–5 Oketopa: “O Lou Maota Lava, o se Nofoaga mo Lou Paia”

Mataupu Faavae ma Feagaiga 109–110

O faitotoa o le Malumalu o Katelani sa le’i tatau ona tatalaina, se’ia ta le itula e valu i le taeao o le aso 27 o Mati, 1836. Ae na amata laina le Au Paia o e sa faamoemoe e auai i sauniga o le faapaiaga i le ta o le fitu. O se nofoaga na matua’i faatumulia lea na manaomia ai se sauniga lona lua ina ia faaaofia ai ma talia tagata uma. Ma sa le na’o tagata soifua sa naunau e auai ai. E toatele molimau sa latou vaaia agelu, i totonu o le malumalu ma e faapena foi luga o le taualuga, i le aluga ma le mae’a ai o le faapaiaga. Sa foliga moni lava na o mai “autau a le lagi, e pepese [ma] alalaga” faatasi ma le Au Paia o Aso e Gata Ai (“O Le Agaga o le Atua,” Viiga, nu. 2).

Aisea lea sagisagi fiafia tele—i itu uma e lua o le veli? Ina ua mavae le tele o seneturi, sa toe i ai se maota o le Alii i le lalolagi. Sa faataunuuina e le Alii Lana folafolaga e faaee lana Au Paia “i le mana mai luga” (Mataupu Faavae ma Feagaiga 38:32). Ma o lenei mea, sa Ia tautino mai, sa na o “le amataga lea o le faamanuiaga” (Mataupu Faavae ma Feagaiga 110:10). O le vaitaimi ua tatou ola ai nei—ma le faatelevaveina o galuega o malumalu ma sauniga ua avanoa i le faitau miliona o tagata soifua ma e ua maliliu—na i ai lona amataga i Katelani, i le taimi o “le lagi ua amata ona le toe punia” (“O Le Agaga o le Atua”).

Tagai foi i le Au Paia, 1:232–41; “A House for Our God,” Revelations in Context, 169–72.

Manatu mo le Aoaoina i le Aiga ma i le Lotu

Mataupu Faavae ma Feagaiga 109

Ua ofoina mai e le Alii ia te au faamanuiaga silisili e ala i feagaiga o le malumalu.

Sa ese le Malumalu o Katelani mai malumalu ua tatou iloa i aso nei. Sa leai ni fatafaitaulaga ma leai se faatanoa o le vai papatisoga, mo se faataitaiga. Ae o faamanuiaga o loo faamatalaina i le vaega 109, o le tatalo o le faapaiaga o le Malumalu o Katelani, o faamanuiaga ia ua tatou maua i totonu o maota o le Alii i aso nei. Toe faamanatu fuaiupu nei e sue ai nisi o nei faamanuiaga, ma mafaufau loloto pe mafai faapefea ona latou fesoasoani e faamalosia lau sootaga ma le Tama Faalelagi ma Iesu Keriso.

Ofuaiupu 5, 12–13 (tagai foi i le Mataupu Faavae ma Feagaiga 110:6–8): I totonu o le malumalu, e mafai e le Alii ona faaali mai o Ia lava ia te a’u ma e mafai ona ou lagonaina Lona mana.

Fuaiupu 9, 15–19, 26, 78–79:

Fuaiupu 21–23:

Fuaiupu 24–33, 42–46:

Fuaiupu 35–39:

Isi faamanuiaga:

Afai sa e i ai i le maota o le Alii, mafaufau pe na faapefea ona faataunuuina nei folafolaga i lou olaga.

O le viiga “O Le Agaga o le Atua” (Viiga, nu. 2) sa tusia mo le faapaiaga o le Malumalu o Katelani—ma talu mai lena aso ua lagiina ai i faapaiaga o malumalu uma. Mafaufau e usu pe faalogologo i ai o se vaega o lau suesuega ma le tapuaiga. O a faamanuiaga o le malumalu ua e maua o loo faamatalaina i lenei viiga?

Mataupu Faavae ma Feagaiga 109

O le tatalo o se fesootaiga ma le Tama Faalelagi.

O levaega 109 o se tatalo o le faapaiaga sa tuuina atu ia Iosefa Samita e ala i faaaliga (tagai i le faaulutala o le vaega). O le a se mea ua e aoaoina e uiga i le tatalo mai i le vaega lenei? Mo se faataitaiga, atonu e te iloa mea na faafetai atu ai le Perofeta ma pe o a faamanuiaga na ia ole atu ai. O le a se isi mea na ia ta’u atu i lenei tatalo? A o e suesue, e mafai ona e iloiloina au lava fesootaiga ma le Tama Faalelagi. O le a se mea ua e aoaoina e uiga ia te Ia ma Lona Alo mai lenei tatalo?

Afai e te manao e faitau i tatalo o le faapaiaga o isi malumalu, e aofia ai le malumalu e sili ona lata ane ia te oe, asiasi i le itulau o malumalu i le temples.ChurchofJesusChrist.org.

Mataupu Faavae ma Feagaiga 110:1–10

E mafai e le Alii ona faaali mai o Ia lava ia te a’u i totonu o Lona maota.

A o e faitau i faamatalaga o le Faaola i le Mataupu Faavae ma Feagaiga 110:1–10, e aofia ai le faaulutala o le vaega, mafaufau loloto i mea ua fautuaina mai e nei fuaiupu e uiga ia te Ia.

E faapefea ona faaali mai e Iesu Keriso o Ia lava—pe faailoa atu o Ia lava ia te oe—i totonu o Lona maota? E faapefea ona Ia fesoasoani ia te oe ia iloa Na te taliaina au osigataulaga?

Totonu o le Malumalu o Katelani.

Mataupu Faavae ma Feagaiga 110:10–16

E taitai e le Faaola Lana galuega e ala i ki o le perisitua.

A o lei oo mai Mose, Elaia, ma Elia i le malumalu e toefuatai mai ki o le perisitua, na fetalai Iesu Keriso, “O le amataga lenei o le faamanuiaga o le a sasaa mai i luga o ulu o lo’u nuu” (Mataupu Faavae ma Feagaiga 110:10). A o e faitauina fuaiupu 11–16, mafaufau e uiga i faamanuiaga o loo liligi mai e le Faaola ia te oe e ala i le galuega o loo taitaia e nei ki. Mo se faataitaiga:

• Fuaiupu 11: O Mose ma ki o le faapotopotoina o Isaraelu (po o le galuega faafaifeautalai). Ua faapefea ona faamanuiaina oe ma lou aiga e le Alii e ala i taumafaiga faafaifeautalai a Lana Ekalesia?

• Fuaiupu 12: O Elaia ma ki o le talalelei a Aperaamo, e aofia ai le feagaiga faa-Aperaamo. E mafai faapefea e le Alii ona faamanuia oe ma “augatupulaga pe a mavae [oe]” ona o au feagaiga? (Tagai Russell M. Nelson, “O Le Feagaiga e Faavavau,” Liahona, Oke. 2022, 4–11; Taiala i Tusitusiga Paia, “Elaia,” Gospel Library.)

• Fuaiupu 13–16: O Elia ma le mana o faamauga, ua faaalia e ala i galuega o le malumalu ma talafaasolopito o aiga. Aisea e te manatu ai e finagalo le Tama Faalelagi ia e fesootai atu i ou tuaa e ala i sauniga o le malumalu? (Tagai Gerrit W. Gong, “Fiafia ma Faavavau,” Liahona, Nov. 2022, 83–86.)

O a ni sootaga o e vaaia i le va o nei ki ma o tatou tiutetauave i le galuega a le Atua o le faaolataga ma le faaeaga (ola i le talalelei, tausiga o tagata e manaomia le fesoasoani, valaauliaina o tagata uma ia talia le talalelei, ma le tuufaatasia o aiga mo le faavavau)?

O a ni aafiaga na e maua i le galuega o le faaolataga ma le faaeaga a le Atua? O a ni mea o aoao mai e nei aafiaga ia te oe e uiga i le Faaola, Lana Ekalesia, ma Lana galuega?

Saili i auala e faaaofia ai isi. Afai o loo e aoao atu e uiga i le Mataupu Faavae ma Feagaiga 110:11–16, e mafai ona e mafaufau e tofi tagata aoao taitasi e suesue e uiga ia Mose, Elaia, po o Elia ma ki na ia toefuatai mai. Ona mafai lea e tagata aoao ona latou fefaasoaai le tasi ma le isi i mea na latou maua. O se faiga faapenei e aofia ai tagata uma i le aoao mai ma le aoao atu. (Tagai i le Aoao Atu i le Ala a le Faaola, 24–27).

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Faapaiaga o Malumalu ma Tatalo o Faapaiaga

• Malumalu o Katelani

Kiliki e vaai i isi mea

Fautuaga mo le Aoaoina o Tamaiti

Mataupu Faavae ma Feagaiga 109:12–13; 110:1–7

O le malumalu o le maota o le Alii.

• E mafai e oe ma lau fanau ona talanoa i se mea tou te fiafia i ai e uiga i lou aiga. Faaali atu i tamaiti se ata o le Malumalu o Katelani, ma faaaoga le Mataupu Faavae ma Feagaiga 109:12-13; 110:1–7 e talanoa ai pe na faapefea ona faapaiaina lena maumalu ma avea ma maota o le Alii (tagai foi i le “Mataupu 39: Ua Faapaiaina le Malumalu o Katelani,” i le Tala o le Mataupu Faavae ma Feagaiga, 154, po o vitiō e fesootai i ai i le Gospel Library). Faasoa atu i le tasi ma le isi se mea e te fiafia i ai e uiga i le maota o le Alii.

  Chapter 39: The Kirtland Temple Is Dedicated: January–March 1836

• Atonu e mafai e oe ma lau fanau ona mafaufau faapea o loo taumafai se uo e sue lou fale. E faapefea ona tatou fesoasoani i le tatou uo ia iloa po o lē fea le tatou fale? E faapefea ona tatou iloa o le malumalu o le maota o le Alii? (tagai i le Mataupu Faavae ma Feagaiga 109:12–13).

Mataupu Faavae ma Feagaiga 110

O loo faamanuiaina e le Faaola Lona nuu e ala i ki o le perisitua.

• E mafai ona e faaaogaina le itulau o gaioiga o lenei vaiaso po o le “Mataupu 40: Faaaliga i totonu o le Malumalu o Katelani” (i le Tala o le Mataupu Faavae ma Feagaiga, 155–57, po o vitiō i le Gospel Library) e faamatala atu ai i tamaiti e uiga i avefeau faalelagi na asiasi atu i le malumalu. E mafai foi ona e faaaogaina le ata o loo i le faaiuga o lenei otootoga.

  The Kirtland Temple

• Ina ia aoao e uiga i le taua o le mea na tupu i le Malumalu o Katelani, e mafai e oe ma lau fanau ona talanoa e uiga i mea e fai e ki. Atonu e mafai e lau fanau ona feauaua’i i le uuina o ki ma faafoliga e tatala se faitotoa e loka. Fesoasoani ia i latou e su’e le upu ki i le Mataupu Faavae ma Feagaiga 110:11–16, ma talanoa e uiga i faamanuiaga ua tatala mai e nei ki. E mafai ona e faamalamalama atu o ki o le perisitua o le faatagaga lea a le Atua e taitai ai Lana Ekalesia. Faasoa atu lou agaga faafetai ona ua tuuina mai e le Alii ia i tatou ki o le perisitua.

Mataupu Faavae ma Feagaiga 110:15

E finagalo le Faaola e liliu atu lo’u loto i o’u tuaa.

• A uma ona faitau faatasi le Mataupu Faavae ma Feagaiga 110:15 , ta’u atu i lau fanau e uiga i se aafiaga na fesoasoani e liliu atu ai lou loto i ou tuaa. E mafai foi ona outou usuina faatasi se pese e pei o le “Talafaasolopito o Aiga—O Lea Ou Te Faia” (Tusipese a Tamaiti, 100).

• O le a se mea e ono fesoasoani e “liliu ai loto” o lau fanau i o latou tuaa? E mafai ona e maua ni manatu malie i le FamilySearch.org/discovery. E mafai ona outou galulue faatasi e faailoa tuaa o e manaomia sauniga o le malumalu. Aisea e finagalo ai Iesu ina ia tatou faia lenei galuega?

Mo nisi manatu, tagai i le lomiga o lenei masina o le mekasini o le Uo .

Faaaliga i le Malumalu o Katelani, saunia e Gary E. Smith