Mataupu 39
Ua Faapaia le Malumalu i Katelani
lanuali–Mati 1836
Sa poloai e le Alii le au paia ia latou fau se malumalu i Katelani. Sa galulue malosi le au paia e fau le Malumalu sa maeʻa ona fai o nisi potu.
Ona fai loa lea o le sauniga muamua a le au paia i le malumalu sa faamanuia ai e le tamā o losefa Samita taitai o le Ekalesia. O le tamā o losefa o le Peteriaka o le Ekalesia.
Ona oo mai lea ia losefa se faaaliga ofofogia. Sa ia vaai i le malo selesitila. O le malo lea e afio ai le Atua. Sa vaai losefa i le matagofie o le malo selesitila. Sa ia vaai i le Tama o i le lagi ma lesu, faapea ma lona uso o Alavini ua oti.
Sa iloa e losefa mai lena faaaliga le mea e oo i fanau e oti a e lei atoa le valu tausaga. Sa fetalai atu lesu e o atu i latou i le malo selesitila.
Sa fetalai mai lesu e toatele tagata e lei faalogo i le tala lelei aʻo ola i le lalolagi.
E toatele foi o le i le lalogi o le a le faalogo i le tala lelei.
O nisi o i latou e talitonu i le tala lelei pe ana latou iloa. E mafai foi e i latou ona o atu 1 le malo selesitila.
Ua maeʻa le Malumalu o Katelani. Ua oo i le taimi e faapaia ai. O lona uiga o le a tuu atu i le Alii e avea ma ona maota. O le a naʻo le galuega a le Alii e faaaoga i ai. Sa fai se sauniga faapitoa a le au paia e faapaia ai le malumalu.
Sa toatele le au paia sa faatasi ai i le sauniga. Sa latou fiafia lava ua latou maua se malumalu. Sa pepese ma tatalo atu le au paia i le Tama o i le lagi. Sa latou folafola atu o le a latou faia mea e faatonu ai i latou e le Perofeta ma isi taitai o le Ekalesia.
Sa faitau e losefa Samita se tatalo e faapaia ai le malumalu. Ona avea ai lea o le malumalu ma maota paia. O se maota o le Alii. Sa i ai agelu i le malumalu i lena aso. Sa faatasi ai foi le Agaga Paia ma le au paia. O se aso matagofie lava.