Mataupu 53
O le Atua ma Agelu
Fepuali-Aperila 1843
O le tasi aso na alu ane ai se tasi alii ia losefa Samita ma fai mai sa ia vaai i se agelu. Sa ia faamatala mai ia losefa ofu o le agelu. Sa fai atu losefa i lenei alii ua ia sese. Sa ia fai atu e lē ofu agelu i ni ofu e pei ona ia faamatala mai.
Sa oo ina ita tele lenei alii. Sa ia poloaiina le afi ia sau mai le lagi e susunu ai le perofeta ma lona fale. Peitai sa leai se mana o le Atua sa i lenei alii. Sa leai se afi e sau mai le lagi.
Sa tuuina mai e lesu ia losefa Samita se faaaliga e uiga i agelu. Sa fetalai mai lesu o agelu o ni tagata sa ola i le lalolagi. Ua feoti ma toe tutu mai. O o latou tino o ni tino aano ma ivi. Ua latou nonofo nei faatasi ma le Atua.
Sa fetalai mai lesu e taumafai Satani e faasese tagata. O nisi taimi e fai ai e Satani mea ia faapea ai tagata o ia o se agelu. E taumafai e faaosooso tagata ia latou fai mea leaga. Peitai e mafai e tagata amio tonu ona iloa taumafaiga a Satani e faaesese i latou.
Sa faamatala atu e Iosefa Samita i tagata i se taimi mulimuli ane isi mea e uiga i le lagi. O tagata sa amio tonu i le lalolagi, o le a nonofo faatasi ma lesu Keriso i le lagi. O le a latou manatua i le lagi mea uma na latou aoaoina i le lalolagi.
Sa fai mai iosefa Samita sa fai i le lagi tulafono uma lava a le Atua a e tatou te lei o mai i le lalolagi. E tofu lava le tulafono ma lona faamanuiaga. E tatau ona tatou usiusitai i le tulafono ina ia tatou maua lona faamanuiaga.
Sa faamatala atu e losefa Samita i le au paia e uiga ia lesu Keriso ma le Tama o i le lagi. Ua foliga lesu i tagata. Sa ia soifua i le lalolagi. Sa ia maliu ma ua ia toe tu mai. Ua ia te ia se tino o aano ma ivi.
Ua i le Tama o i le lagi se tino o aano ma ivi. Ua ia afio i se nofoaga matagofie ma fepulafi.
Sa fai mai foi losefa Samita o le Agaga Paia o se agaga. E leai se tino aano ma ivi o le Agaga Paia.