Mataupu 61

O le Au Tau Mamona

luni 1846-lulai 1847

Sa nonofo le au paia i Konesula Palafu. Sa oo ina sau se alii kapeteni o le au tau a Amerika e fia feiloai ia Polika laga. O lona igoa o Kapeteni Aleni.

Sa fai mai Kapeteni Aleni ua manao le peresitene o le lunaite Setete i ni alii se toa 500 e auai i le au tau a le malo. Sa tali atu Polika laga o le a talia e le au paia le mea ua manao mai i ai le peresitene.

Sa alu atu loa Kapeteni Aleni ma talanoa atu i uso o le au paia, ma maua ai le 500 o tagata na auai i le au tau. Sa faaigoa i latou o le Au Tau Mamona. O nisi taimi e ta’u ai tagata o le Ekalesia o tagata Mamona, ona o lo latou talitonu i le Tusi a Mamona.

Sa fai atu Polika laga i uso o le Ekalesia ia avea i latou ma fitafita sili ona lelei. E tatau ona latou o ma ave a latou Tusi Paia ma Tusi a Mamona. E tatau ona latou tu mama ma faaaloalo. E le tatau ona latou palalauvale pe pele. Sa fai atu Polika laga ia i latou ia latou usiusitai i poloaiga a le Atua. Ona latou le fasiotia ai lea o se tasi.

Sa malaga loa le Au Tau Mamona ma Kapeteni Aleni. Sa faanoanoa lava le au paia ina ua o. Sa manaomia e le au paia alii malolosi uma e fesoasoani i la latou malaga i Sisifo. Sa latou le mananao e o ia alii i le taua. Peitai sa latou iloa o le a totogi i latou i le latou auai i le au tau. 0 le a fesoasoani tupe latou te maua, i le au paia.

Sa malaga le Au Tau Mamona agai i Saute. Sa malaga nisi o aiga o fitafita faatasi ma le au tau. Sa faigata lava le malaga. Sa latou savavali i le malaga atoa.

Sa faigata tele auala. O nisi taimi sa gogoto taavale i ie loloto o le palapala. Sa leai foi se vai e inu. Sa leai foi ni laau e malolo ai i le paolo. Sa mamai nisi tagata. Sa na’o tagata mamai sa mafai ona tietie i taavale.

Sa tonu ia Kapeteni Aleni e tatau i fitafita mamai ma fafine ma tamaiti ona faatali Kaloreto. Sa latou nonofo i le nuu e igoa ia Puepalo. Sa totogi fitafita mo le latou auai i le au tau. Sa auina atu e nisi o fitafita tupe i o latou aiga i Konesula Palafu. Sa latou auina atu foi ni tupe i tagata matitiva i Navu ma faifeau talai.

Sa alu pea le savaliga a le fitafita. Sa latou le iloa i nisi taimi le mea na latou o atu i ai. Sa latou eli maulalo foi le oneone mo se vai. Sa le lelei le vai i le inu. Sa le lava mea ’ai a fitafita. Sa leai ni laau e tafu ai se afi. Sa latou susunu vao e tafu ai a latou afi.

Sa fetaui fitafita ma Initia ma isi tagata sa i ai a latou mea ’ai. Sa leai ni tupe a fitafita e faatau ai mea ’ai. Sa latou avatu i Initia nisi o o latou ofu. A e tuu mai e Initia ni mea ’ai mo i latou.

Sa malaga le Au Tau Mamona agai i Sisifo. Sa latou tau atu i ni mauga a’ega maualuluga. Sa latou noanoa maea i a latou taavale ma toso i luga o mauga. Ona faasesee ai lea i lalo i le isi itu.

Sa tau atu fiatifa i ni povi i se tasi aso. Sa osofaia i latou e povi. Sa latou tutuli ese povi. Sa lavea le tasi alii. E tele aso na le mafai ai ona toe savali.

Sa oo ina taunuu le Au Tau Mamona i le Vasa Pasefika. O lanuali aso 29, 1847 na latou taunuu ai. Sa vaivai lava fitafita. Sa masaesae o latou ofu. Sa latou fiafia ua taunuu la latou savaliga umi.

Sa totogi i latou mo le latou auai i le au tau. Sa oo ina faamalolo i latou mai le au tau. Ga mafai ona latou toe foi atu i o latou aiga.

Sa nonofo nisi o i latou i Kalefonia. A’o le toatele o i latou, sa 0 atu i Mauga Maa e faatasi ma isi o le au paia na taunuu ane 1 ai mai Konesula Palafu.