Hordhac

A‘o Lei Oo Mai i le Mataupu Faavae ma Feagaiga

Sa tatou ola i ie lagi a e tatou te lei o mai i le lalolagi. Sa tuuina mai ia i tatou e le Tama o i le lagi le ata o !e faaolataga. O le ata o !e faaolataga e saunia ai i tatou ina ia tatou toe foi e nonof o i le lagi, afai tatou te usiusitai i le ata o le faaolataga, e mafai ona tatou nonofo ma le Tama o i le lagi pe a uma ona tatou toe tut u mai.

Sa tatou i ai faatasi ma lesu i le lagi. Sa usiusitai o ia i fuafuaga a le Tama o i le lagi. Sa ofo o ia e sau i le lalolagi e avea ma o tatou Faaola. Ma sa faia e ia le galuega a le Tama o i le lagi.

Sa tatou nonofo ai foi faatasi ma Satani i le lagi. A e o ia o se tagata sa sili ona leaga. Sa le usiusitai o ia i le fuafuaga a le Tama o i le lagi. O lea na tuli ese ai o ia e le Tama o i le lagi. Sa manao Satani e faaumatia le ata o le faaolataga. Sa manao o ia e taofia le galuega a le Tama o i le lagi.

Sa fai e lesu le lalolagi. Sa o mai fanau a le Tama o i le lagi ma nonofo ai. Sa auina mai e lesu perofeta e aoao i latou ia amio tonu. Sa usiusitai nisi tagata i ai i latou.

Sa le fia faalogo isi tagata o le lalolagi i perofeta. Sa latou usiusitai atu ia Satani. Ma avea ai i latou ma tagata amio leaga.

O loo tauina mai i le Feagaiga Tuai ni tagata sa nonofo i Falesitina i aso ua leva. O i latou na sa latou iloaina lesu. O tagata amio tonu sa latou maua Lana tala lelei. Sa ia i latou foi le perisitua. Sa aoao atu e Perofeta i tagata o le a afio mai lesu i le lalolagi. E fai o ia ma o latou Faaola.

O loo faamatala mai i le Tusi a Mamona tagata sa nonofo i Amerika i aso ua leva lava. Sa latou iloa foi e uiga ia lesu. Sa ia i latou lana tala lelei. Sa maua e alii amio tonu le perisitua. Sa faapea foi ona aoao atu e Perofeta ia i latou o lesu o lo latou Faaola. O le a asiasi atu o ia ia i latou pe a mavae lona toe tu mai.

Sa afio mai lesu Keriso i le lalolagi. O loo faamatalaina mai i le Feagaiga Tuai lona soifua ai i le lalolagi. Sa aoao atu e lesu lana tala lelei i tagata. Sa na aoaoina tagata ia latou usiusitai i tulafono a le Tama o i le lagi.

Sa filifilia e lesu ni alii e toa sefulu lua e fai ma Aposetolo. Sa na tuuina atu ia i latou le perisitua, ma amataina lana Ekalesia. Sa toatele tagata sa alolofa ia lesu. Sa amio tonu i latou ma latou usiusitai i ana aoaoga.

Sa le manao Satani ia usiusitai tagata ia lesu. O lea na faaosooso ai e Satani tagata, ma avea ai latou ma tagata agasala. Sa latou le talitonu ia lesu. Sa latou fasioti o ia.

Ina ua mavae aso e tolu, sa toe tu mai lesu. Sa faatasi o ia ma talanoa ma lana au Aposetolo. Sa fetalai atu o ia ia te i latou ia latou aoao atu le tala lelei i tagata uma lava. Sa faapea foi ona asiasi atu o ia i tagata amio tonu i Amerika. Ona afio atu ai lea o la e faatasi ma lona Tama o i le lagi.

O taitai o le Ekalesia a lesu Keriso o Aposetolo. Sa malaga atu i latou i lea nuu ma lea nuu, ma aoao atu ai le tala lelei i tagata. E toatele e sa talitonu ma sa papatisoina. Sa tuuina atu e le au Aposetolo i alii amio tonu le perisitua. Ma sa toatele i latou sa auai i le Ekalesia moni a lesu Keriso.

Sa manao Satani e faaumatia le Ekalesia a lesu Keriso. Sa na faaosooso i tagata, ma sa latou usiusitai atu ia Satani. Sa faatoateleina i latou na le talitonu ia lesu. Sa fasioti e tagata agasala tagata amio tonu o le Ekalesia. Sa latou fafasi le au Aposetolo. O lea na le toe i ai ni taitai o le Ekalesia. Sa le toe i ai se tasi na te mafai ona tuuina atu le perisitua i nisi tagata.

O isi tagata sa latou suia aoaoga o le Ekalesia a lesu Keriso. Sa latou suia tulafono a le Atua. O le Ekalesia sa faavaeina e lesu ua le toe i ai. Sa amata ona faatu o le lotu a le tagata lava ia. A e leai se tasi o na lotu e moni.

Cla mavae le selau ma selau o tausaga, sa tele mau lotu eseese i le lalolagi, ae leai lava se tasi o na lotu e avea ma Ekalesia moni a lesu Keriso. Sa talitonu tagata o ekalesia ia lesu Keriso. A‘o a latou lotu e le o ni ekalesia moni. Sa le ia i latou le perisitua o le Atua. Sa le i ai i a latou ekalesia ni perofeta ma ni Aposetolo.

Sa fetalai lesu e toe afio mai o ia i le lalolagi. Sa ia fetalai mai o lana Ekalesia moni e tatau ona i ai i le lalolagi a‘o lei toe afio mai o ia. E tatau i tagata ona latou iloa lana Ekalesia moni. E tatau ona maua e alii le perisitua. E tatau ona i ai ni perofeta ma ni Aposetolo. E tatau foi ona maua ni faaaliga.

O lesu e aumai ai faaaliga. O faaaliga e tau mai ai ia i tatou mea e finagalo lesu ia tatou iloa. E tau mai ia i tatou mea e ao ina tatou faia. O faaaliga e tuuina atu e lesu i perofeta. O faaaliga e mo lana Ekalesia moni.

O le Mataupu Faavae ma Feagaiga o le tusi o faaaliga. O loo tau mai ai e uiga i le Ekalesia moni a lesu Keriso. O loo faamatala mai ai e uiga i le perisitua. O loo faamatala mai ai e uiga i perofeta ma Aposetolo. O le Mataupu Faavae ma Feagaiga o loo tau mai ai mea e tatau ona tatou faia e saunia ai i tatou mo le toe afio mai faalua o lesu.

O le tusi o loo outou faitau ai o le Mataupu Faavae ma Feagaiga. O loo tau mai i lea tusi nisi o faaaliga. O loo tau mai ai le toe aumaia o le Ekalesia a lesu Keriso i le lalolagi. O loo faapea foi ona tau mai ai nisi o i latou sa i ai i ie amataga o le Ekalesia.