Mataupu 21
Ua Malaga Atu le Perofeta i Misuli
Me-Iuni 1831
E toatele le au paia sa nonofo pea i Niu loka. Aʻo losefa Samita ma Sini Rikitone sa nonofo i Katelani, Ohio. Sa faatonu e losefa Samita le au paia i Niu loka ia o mai i Ohio. Sa latou usiusitai i le perofeta. Sa latou o atu i Ohio.
Sa fetalai mai lesu ia losefa ia faatonu le au paia i Katelani ia latou vaevae atu o latou laueleele i tagata o le au paia mai Niu loka. O se tasi o tagata sa tele ona laueleele i Katelani, o Lemana Kopele. Sa ia folafola mai o le a ia tuu mai nisi o ona fanua mo tagata o le au paia mai Niu loka. Sa oo ina o mai tagata o le au paia mai Niu loka ma nonofo i ona fanua.
Sa le tausia e Lemana Kopele lana folafolaga. Sa musu e avatu i le au paia mai Niu loka ona fanua. Sa latou o ese loa. Sa leai se mea latou te nonofo ai.
O lē sa taitai ia i latou, o Niueli Naite. Sa lē iloa e le uso o Niueli Naite le mea o le a fai. Sa oo ina ia alu atu i le Perofeta o losefa Samita ma fesili atu ia te ia po o le a le mea e tatau ona fai e le au paia.
Sa fetalai mai le Alii ia losefa, e tatau ona vave o atu le au paia mai Niu loka, i Misuli.
A e latou te lei malaga atu, sa fai se konafesi a le Ekalesia i Katelani. E tolu aso na fai ai. Sa tuuina mai e le Alii ia losefa Samita i lena konafesi ni faaaliga taua lava.
Sa faatonu e le Alii losefa ia faauu ni faitaulaga sili muamua o le Ekalesia. O le perisitua e umia e faitaulaga sili, o le Perisitua Mekisateko. O i latou e taitaia le Ekalesia. E toatele taitai o le Ekalesia sa faauu i le tofi faitaulaga sili i le taimi lena.
Sa fetalai mai le Alii e tatau ona auina atu nisi uso e talai i Misuli. E tatau ona latou talai atu le tala lelei aʻo latou malaga atu. Ina ua tuua le konafesi, sa o atu loa faifeau talai i Misuli.
Sa fetalai mai le Alii ia losefa o le konafesi a le Ekalesia o le a soso ai, o le a fai i le itu malo o Siakisone, Misuli. Sa poloai e le Alii losefa ma ana uo ia o atu i inā. O le itu malo o Siakisone o le a faatu ai Siona. O le a faaali mai e lesu ia i latou le mea e faatu ai Siona.