Mataupu 40
O Faaaliga na Oo Mai i le Malumalu i Katelani
Aperila 1836
O le isi Aso Sa i le aoauli, sa fai ai se sauniga a le au paia i le malumalu. Sa faamanuia e aposetolo le faamanatuga, a e tufa e losefa Samita ma ona fesoasoani i le Au Paia.
Ona o atu lea o losefa Samita ma Oliva Kaotui i se isi vaega o le malumalu na’o la’ua. Sa la’ua tootutuli ma tatalo atu. Ina ua uma la la’ua tatalo, sa oo mai ia i la’ua se faaaliga matagofie lava. Sa la’ua vaai i le Alii o lesu Keriso. Sa susulu fofoga o lesu faapei o se afi. Sa sinasina lona lauao faapei o le kiona. Sa sili atu le susulu o ona fofoga nai lo le pupula o le La.
E tele mea matagofie na fetalai mai e lesu ia losefa ma Oliva. Sa ia fetalai mai o ia o lo la’ua Faaola. Sa ia maliu mo i la’ua. Ga ia toe tu mai. Sa fetalai mai lesu e tatau i tagata na latou fausia le malumalu ona fiafia. Sa ia fetalai mai ua ia fiafia i le malumalu. O lona maota paia lea. Sa fetalai mai lesu e tele taimi o le a ia afio mai ai i le malumalu. O le a ia fetalai mai i le au paia. A e afai e le tausia e le au paia le paia o le malumalu, o le a ia le afio mai i ai.
Ona vaai lea o losefa ma Oliva i agelu i le malumalu o Katelani. Sa muamua ona la’ua vaai ia Mose. O Mose o se perofeta sa soifua i le lalolagi i aso anamua. O ia lea na ia taitai ese le aiga o Isaraelu mai Aikupito. O loo i le Feagaiga Tuai ma le Penina Tau Tele le tala ia Mose. Sa tuu mai e Mose ia losefa ma Oliva se mana faapitoa o le perisitua. O le mana lea e mafai ai ona la’ua fesoasoani i tagata o le aiga o Isaraelu ia latou faapotopoto mai vaega eseese o le lalolagi.
Ona oo mai lea o Elaia ia losefa ma Oliva. Sa aumai e Elaia le mana o le perisitua o Aperaamo i le Ekalesia a lesu Keriso. O Aperaamo o se alii na soifua anamua. Sa faamanuia Aperaamo e le Atua. Sa ia tuu mai ia Aperaamo se mana faapitoa o le perisitua. O le a i ai pea i le aiga o Aperaam o le perisitua. O tagata amio tonu o le Ekalesia, e avea ma nisi o le aiga o Aperaamo.
Ona oo mai lea o Elia ia losefa ma Oliva. O Elia o se perofeta na soifua anamua. Sa fai mai Elia e tatau i tagata ona saili o latou tua’a. E tatau i tagata ona fai sauniga o le malumalu mo o latou tua’a ua maliliu. Sa tuu mai e Elia ia losefa ma Oliva se mana faapitoa o le perisitua e fesoasoani i aiga amio tonu. O le mana lea e mafai ai ona faamau i latou i le tasi, ona mafai ai lea ona latou nonofo faatasi e faavavau.