Mataupu 64

O le Ekalesia a lesu Keriso i Ona Po Nei

Ua tele tausaga ua mavae talu ona faatu o le Ekalesia i Feiete, Niu loka. Ua sili atu nei le toatele o le Ekalesia. A e i le 1830, sa na’o le toa ono tagata sa amataina le Ekalesia a e maimoa atu i ai isi.

E toatele faifeau talai ua auina atu i isi atunuu e talai atu le tala lelei. Ua faalogo tagata i faifeau talai ma latou talitonu i le tala lelei, ma auai i le Ekalesia. I le taimi nei, ua sili atu i le 6 miliona le aofai o le Ekalesia, ma ua nonofo i atunuu eseese o le lalolagi, ma ua latou fiafia ua latou auai i le Ekalesia.

O Aperila aso 6, 1980, na faamanatu ai le aso fanau o le Ekalesia. 0 le 150 lena o ona tausaga. Sa fai se sauniga faapitoa o le konafesi aoao i le Ekalesia i le taimi lena, e faamanatu ai lona aso fanau. E lua ni sauniga na fai i le taimi e tasi. Sa fai le tasi sauniga i Feiete, Niu loka, i se fale sa ua faatuina i le mea sa i ai le fale o Peteru Gitimera, lea na fai ai le sauniga o le faatuuga o le Ekalesia, i le taimi na faato’a faatuina ai. 0 Peresitene Sipenesa W. Kemupale sa taitaia lena sauniga.

0 le isi sauniga sa fai i le tapeneko i Sate Leki. E toatele tagata sa faatasi ai i lena sauniga. Sa faasalalau mai Niu loka i le sauniga sa fai i le tapeneko, le lauga a Peresitene Kemupale na fai i le sauniga na fai i Niu loka. Sa faapaia e Peresitene Kemupale le fale o Peteru Gitimera na fai mai ai le sauniga. Sa matua fiafia tagata uma o le au paia e vaai ma faalogo i le perofeta. Ga faamanuiaina lava tagata o le Ekalesia. E tatau ona tatou faafetai ua tatou auai i le Ekalesia a lesu Keriso o le Au Paia o Aso e Gata Ai. Ga ia i tatou se perofeta na te taitaia i tatou.