Mataupu 12
O le Misiona Samuelu Samita
luni 1830
Sa alu Samuelu e talai atu i tagata le tala lelei. Sa ia manao e tau atu i tagata e uiga i le Tusi a Mamona. Sa taumafai e faatau atu i tagata le Tusi a Mamona, a e sa leai se tagata sa fia faitau i ai. Sa faanoanoa lava Samuelu.
O se misiona faigata lava le misiona a Samuelu. O le tele o taimi sa leai sana mea ’ai. Sa leai foi se mea e moe ai. Sa faatiga foi nisi tagata ia te ia.
Sa faatau e Samuelu le Tusi a Mamona i se alii e igoa ia Fineasi laga. Sa faitau Fineasi i le tusi. Sa ia tuu atu le Tusi a Mamona i lona uso. O le igoa o lona uso, o Polika laga.
Sa faitau e Polika laga le Tusi a Mamona. Sa talitonu o ia e moni. Sa ia aoao foi e uiga i le Ekalesia e lesu Keriso. Sa tau atu e Fineasi ma Polika laga ia la uo e uiga i le Tusi a Mamona ma sa latou faitau i ai. Sa auai i le Ekalesia Fineasi ma Polika laga ma a laua uo.
Mulimuli ane sa avea Polika iaga ma perofeta o le Ekalesia. Sa fesoasoani o ia i le Au Paia. Sa avea o ia ma taitai tautaua.
Sa toe foi Samuelu i lona aiga. Sa leai sona manatu ua aoga lana misiona i le Ekalesia. Sa ia le iloa o le a avea Polika laga ma perofeta i se aso.
Sa afe Samuelu i se fale tali malo i se tasi aso. Sa fesili atu Samuelu i le tagata e ana le fale pe fia faatau sana tusi. Sa fesili le alii e ana le fale po o fea na aumai ai le tusi. Sa tali atu Samuelu sa faaliliu e lona uso mai i ni papa tusi auro.
Sa ita le tagata e ana le fale, ma fai mai ua pepelo Samuelu. Sa ia tuli Samuelu i fafo.
Sa moe Samuelu i le po o le aso lena i lalo o se apu.
Sa feiloai o ia ma se taitai o se isi ekalesia ma sa na tuuina atu ia te ia le Tusi a Mamona. Sa faitau lea taitai ma lona faletua i le tusi. Sa laua iloa lona taua.