Mataupu 25
Ua Malaga Atu losefa Samita ma Sini Rikitone e Fai Misiona
Tesema 1831–Ianuali 1832
Sa le fiafia nisi tagata i le Ekalesia a lesu Keriso. Sa latou faia tala pepelo e uiga i le Ekalesia. Sa lomia nisi o ia tala pepelo i nusipepa. Sa oo ina poloai e lesu losefa Samita ma Sini Rikitone e o e talai atu i isi nuu, ma ta’u atu ia i latou le sa’o e uiga i le Ekalesia.
Sa usiusitai losefa ma Sini ia lesu. Sa oo ina la tuua o la’ua aiga. E tele nuu sa laua malaga atu i ai. Sa lauga losefa ma Sini i sauniga lotu. Sa la’ua aoao foi tagata i o latou aiga.
Sa aoao e losefa ma Sini tagata e uiga i poloaiga a le Atua. Sa la’ua tuu atu ia i latou a la’ua molimau o lesu Keriso. Sa la’ua fai atu i tagata ia latou salamo. Ina ua uma la la’ua talaiga, sa oo ina toe foi atu losefa ma Sini i o la’ua aiga.