Mataupu 10

O le Vavega Muamua i le Ekalesia

Aperila 1830

Sa fai le isi sauniga a le Ekalesia a lesu Keriso i le aso Sa, le aso 11 o Aperila 1830. Sa faatasi ai uso o le Ekalesia i le sauniga. O i latou o e auai i le Ekalesia, ua taua i latou o le Au Paia.

Sa toatele isi tagata sa auai i sauniga e le o ni uso o le Ekalesia. Sa aoao atu e Oliva Kaotui ia i latou le tala lelei a lesu Keriso. Sa talitonu nisi o i latou ia Oliva ma fia auai i le Ekalesia. Sa papatiso i latou ina ua tuua le sauniga.

Sa le manao Satani ia auai nisi i le Ekalesia. Sa taumafai Satani e faaleaga loto o tagata. O se tasi o i latou ia o le tamaloa e igoa ia Niueli Naite (tagai i le MFF 52:32). Sa lei auai Niueli Naite i le Ekalesia. Sa le manao Satani ia papatiso Niueli Naite.

Sa talosaga atu losefa ia te ia na te faia le tatalo o se sauniga. Sa tali mai o ia ua lelei.

Sa le manao Satani ia usiusitai Niueli ia losefa. O lea na alu ai Niueli i le lotu a e na te le faia le tatalo. Sa fai mai e fefe e tatalo leo tele.

1 se taimi mulimuli ane, sa alu atu o ia i le togavao, e tatalo ai. Sa le manao Satani e tatalo Niueli, a e sa taumafai lava o ia e tatalo, peitai, sa le mafai ona tautala. Sa oo ina mai o ia, ma faanoanoa ma fefe. Sa toe foi atu o ia i lona aiga.

Sa popole tele le faletua o Niueli, ma sa ia talosaga atu ia losefa mo se fesoasoani. Sa oo ina alu atu losefa ma faamanuia Niueli i le mana o le perisitua. Sa toe malosi Niueli, ma fiafia, ma le toe fefe. Sa oo ina papatiso i le Ekalesia.