Mataupu 55

Ua Faateteleina le Sauaina o le Au Paia

1843–1844

O le toatele o tagata na nonofo lata lata i Navu, o ni tagata sa le auai i le Ekalesia. O le toatele o i latou sa le fiafia i le au paia. Sa le mananao ia avea tagata o le Ekalesia ma taitai o le nuu. Sa latou faatutupu faalavelave i tagata o le Ekalesia.

Sa oo ina faapotopoto faatasi ia tagata ma avea ma tagata leaga. Sa latou susunu fale ma fale manu o le au paia. Sa latou taumafai e tutuli ese le au paia mai Navu. Sa le taofia e leoleo ma fitafita tagata leaga. Sa le fesoasoani mai foi le kovana i le au paia.

Sa ta‘u atu e losefa Samita i le au paia i Navu o le a oo mai faalavelave ia i latou. Sa oo ina taunuu mea na fai mai ai losefa Samita ia i latou. Sa iloa e losefa e tatau i le au paia ona o ese mai Navu. E tatau ona latou o atu i se mea e le faalavelave mai ai se tasi ia i latou.

Sa oo ina fono faatasi losefa Samita ma le au aposetolo ma isi alii. Sa ia fai atu ia i latou e o atu e sue se nofoaga e mafai ona o atu le au paia e nonofo ai.

Sa vaai losefa i le faafanua o le laueleele o Amerika. Sa faaali mai i le faafanua se fanua sa i ai ni mauaga maualuluga ma ni vanu tetele. Sa nonofo ai lnitia i inā. Sa iloa e losefa o se laueleele lelei lea mo le au paia. E le mafai ona faalavelave atu i ai tagata leaga ia i latou. Sa faamoemoe losefa ia mafai ona o atu le au paia e nonofo i inā.

Sa i ai foi isi tagata i Navu sa auai i le Ekalesia. Peitai sa latou le toe talitonu i le tala lelei. Sa latou feita ia Iosefa Samita. Sa latou mananao e fasioti o ia. Sa amata ona latou fai o se nusipepa. Sa latou tusi ai mea leaga e uiga ia losefa ma le au paia.

Sa le malilie taitai o Navu i le nusipepa. Sa oo ina o atu nisi o i latou i le fale nusipepa. Sa latou susunu le nusipepa. Sa latou faaleaga foi masini lomi tusi. Sa oo ina le toe mafai ona toe lolomi o se nusipepa.