Mataupu 27
O le Galuega a le Perofeta o losefa Samita
Mati 1832
Sa i ai le masaga a losefa Samita ma lona faletua o Ema. Sa oo ina mamai le masaga ma feoti ai. E i ai ni uo a losefa sa fanauina foi sa la’ua masaga, peitai sa oti le tina. Sa oo ina ave e losefa ma Ema tamaiti ma fai ma a la’ua fanau.
Sa faatonu e lesu losefa ia faitau i le Tusi Paia. Sa sui e tagata nisi upu o le Tusi Paia. Sa faaali mai e lesu ia losefa upu sa’o e tatau ona tuu i le Tusi Paia. Sa fesoasoani Sini Rikitone ia losefa e tusi upu sa’o na finagalo lesu e tuu i le Tusi Paia.
Sa le malamalama losefa i nisi vaega o le Tusi Paia. Ona ia fesili atu lea i le Atua. Sa oo ina tali mai e le Alii o lesu Keriso ana fesili. Sa tusi e losefa tali na tuuina mai e lesu, e faitau i ai le au paia.
Sa fiafia le Alii i galuega a losefa. Sa avea losefa ma Perofeta tautaua. Petai sa le fiafia Satani. Sa manao Satani e taofi le galuega a losefa. Sa manao Satani ia ita tagata ia losefa.
O le tasi po, na o ane ai ni tagata leaga i le fale o losefa ma talepe le faitotoa o le fale a e o mai i totonu. Sa sii e losefa le tasi pepe o le masaga sa ma’i tigaina lava.
Sa fetagofi mai tagata leaga ma toso faamalosi atu losefa, a e taatia na’o le pepe i le fale. Sa oo ina oti le pepe i se taimi mulimuli ane. Sa toso faamalosi i fafo e tagata leaga losefa i le malulu o le po, ma titina o ia.
Sa manao isi tagata leaga e fasi losefa. Sa mananao isi e fasioti. Sa latou taumafai e sasaa se vai o’ona i lona gutu. Sa gau ai le isi nifo o le perofeta. Sa mu foi lona tino i le malosi o le vai.
Sa saei ese e tagata leaga ofu o le Perofeta a e vali ta lona tino ma faapipii i ai fulu moa.
Ona toe o lea. Sa latou manatu o le a oti losefa. Sa taumafai losefa e tu i luga, a e sa le mafai. Ona ia malolo lea mo sina taimi, ona tolotolo ai lea i lo latou fale.
Sa fufulu ese e uo a losefa le ta mai lona tino. Sa faigata ona ave ese. Sa mu ma gaoi lona tino. Sa tiga tele.
Sa le tuu e losefa tagata leaga latou te taofia lana galuega. O le aso na sosoo ai o le aso Sa. Sa alu losefa i le lotu. Sa i ai i le lotu nisi o tagata leaga sa i ai i le fasiga o losefa. Sa latou tetei ma ofo i le vaai atu ia losefa. Sa lauga losefa i le lotu. Sa le mafai e Satani ona taofi le galuega a le Perofeta.