Mataupu 32
O le Ekalesia a lesu Keriso i Katelani
Mati-Iuni 1833
O losefa Samita o le Perofeta o le Ekalesia a lesu Keriso. Sa fetalai mai le Alii e tatau ona i ai nisi alii e fesoasoani ia te ia. E tatau ona avea nisi o i latou ma ona fesoasoani. E tatau ona tofia Sini Rikitone ma Feletiriki G. Viliamu e avea ma ona fesoasoani. O losefa ma ona fesoasoani, o le Au Peresitene Sili lena o le Ekalesia.
O ona po nei, o le perofeta soifua o le taitai lena o le Ekalesia. Ga ta’ua o ia ma ona fesoasoani o le Au Peresitene Sili o le Ekalesia.
Sa faauu Iosefa Samita ma ona fesoasoani e avea ma Au Peresitene Sili o le Ekalesia, i Katelani, Ohaio. O se sauniga paia tele lena sauniga na faauu ai i latou. Sa taumamafa i le faamanatuga tagata uma sa auai.
O ni nai vaiaso mulimuli ane ai, na faatu ai e losefa le siteki muamua lava o le Ekalesia. Sa aofia i le siteki muamua lena tagata uma o le au paia na nonofo i Katelani. O ona po nei, ua sili atu le tele o siteki o le Ekalesia.
Sa fetalai mai lesu e tatau i le au paia ona fausia ni fale se tele mo le Ekalesia. E tatau ona latou fausia se malumalu i Katelani. E tatau foi ona latou fausia se fale e galulue ai le Au Peresitene Sili. Sa manaomia foi e le Ekalesia se fale lomi tusi.
Sa usiusitai le Au Paia i le Alii. Sa amata ona latou fau le malumalu i Katelani. O se galuega mamafa le fauga o se malumalu. Sa manaomia le fesoasoani a tagata uma o le Au Paia.
Sa faateleina le toatele o tagata na auai i le Ekalesia. Sa poloaiina losefa e lesu ia filifilia nisi taitai mo le Au Paia. Sa fetalai mai lesu ia tofia le tamā o losefa e avea ma Peteriaka o le Ekalesia. O le peteriaka na te tuuina atu faamanuiaga i le Au Paia. E tatau ona ia umia le Perisitua Mekisateko.
Sa fetalai mai lesu ia losefa ia tofi ni alii se 12 e avea ma lagolago maualuga. E tatau ona umia e ia alii le Perisitua Mekisateko. Latou te fesoasoani i le au paia ia latou iloa mea sa’o mai mea sese.