Mataupu 11

Ua Toatele Tagata ua Auai i le Ekalesia

Aperila-Iuni 1830

E tea ni nai vaiaso, ua lua sefulu ma le fitu uso ua auai i le Ekalesia. Sa nonofo faatasi i latou uma i se nuu e tasi. Sa talosaga atu losefa ia latou au faatasi i se konafesi. O le konafesi o se sauniga faapitoa lea a le Ekalesia mo le Au Paia uma. O le Au Paia o i latou ia ua papatiso i le Ekalesia a lesu Keriso.

Sa fai le faamanatuga i konafesi a le Au Paia. Sa faauu ai nisi alii i le perisitua. Sa faamanuiaina le Au Paia e le Agaga Paia. Sa faatumuina i latou i le fiafia.

Sa i ai isi tagata i le konafesi sa le auai i le Ekalesia. Sa latou faalogo i le tala lelei i le sauniga o le konafesi. Sa oo ina latou fia auai i le Ekalesia. Sa papatisoina i latou. Ina ua tuua le konafesi, sa malaga atu o losefa Samita i le se tasi nuu sa i ai nisi tagata lelei sa fia papatiso. Sa fai atu losefa e mafai ona papatiso o i latou i se vai tafe.

Sa latou fau se faatanoa i le vaitafe ma teu faamanaia e fai ai papatisoga. Ina ua oo i le po, sa o ane tagata leaga ma talepe.

Sa latou toe fau le faatanoa. Ona amata ai lea e Oliva Kaotui ona papatiso ai tagata. E lei umi a e o ane ni tagata faatupu faalavelave. O i latou o ni tagata leaga. Sa latou fai mai ni upu faatiga i le au paia, ma taumafai e faaleaga i latou. Peitai sa puipuia i latou e le Alii.

Sa faaoso e Satani le leaga i loto o tagata ia latou faatupu faalavelave i le Ekalesia a lesu Keriso. Sa latou fai tala pepelo e uiga ia losefa Samita. Sa latou fai atu ua fai e losefa Samita ni mea leaga, ma sa fale puipui ai losefa.

Sa fia fasi e tagata leaga losefa. Sa latou tuu feanu ia te ia ma le fafagaina o ia. Sa latou molimauina pepelo o ia. A o tagata lelei, sa latou fai tala lelei ma tala moni e uiga ia losefa. Sa latou fai atu o ia o se tagata amio tonu. O lea na tatala ai losefa mai le fale puipui.