Mataupu 41

O Faalavelave i Katelani

1838

Sa fiafia le Au Paia i Katelani, Ohio. Sa faamanuia i latou e le Alii.

Sa tofia ni faifeau talai i Katelani, ma sa latou malaga atu e talai le tala lelei. E toatele tagata sa faalogo i faifeau talai, ma auai i le Ekalesia.

Ona tutupu mai lea o ni faalavelave i Katelani. Sa i ai se fale tupe o le au paia i Katelani sa teu ai a latou tupe.

Sa i ai nisi o le au paia sa mananao tele i tupe. E i ai se tasi alii sa galue i le fale tupe sa lē faamaoni. Sa ia gaoi tupe.

Sa faatonu e losefa Samita isi uso ia latou vaavaai faalelei tupe. Peitai sa lē usiusitai ia alii ia losefa. Sa oo ina tatau ona tapuni le fale tupe. Ua leai se tupe o totoe. Sa le mafai ona toe maua e le au paia a latou tupe.

Sa lē malilie le toatele o le au paia. Sa latou fai mai o le leaga o losefa ua tapuni ai le fale tupe. E oo i nisi o uo a losefa sa latou lafo upu leaga ia te ia. Sa mananao isi e fasioti o ia.

Sa le malilie foi isi o taitai o le Ekalesia. Sa latou lē toe fia auai i le Ekalesia. Sa oo ina avea i latou ma fili o le Ekalesia. Sa latou amio leaga. Sa faanoanoa lava losefa.

Sa alolofa pea isi taitai o le Ekalesia ia Iosefa ma latou fesoasoani ia te ia. Sa latou iloa ua moni le Ekalesia a lesu Keriso. O Polika laga o se tasi lea o ia taitai amio tonu. Sa fai atu Polika laga i le au paia ua ia mautinoa o losefa o se perofeta moni a le Atua.

Sa feita fili o le Ekalesia ia Polika laga, ma o lena na ia alu ese ai mai Katelani ina ia le mafai ona latou fasi o ia.

Sa oo ina faatutupu e fili o le Ekalesia faalavelave e tele i Katelani. Sa latou faaleaga le malumalu.

Sa le toe avea le malumalu ma maota paia. Sa lē toe avea ma maota o le Atua. Sa faanoanoa lava losefa i le amio leaga o tagata. Sa ia faanoanoa lava i le tele o faalavelave.