Mataupu 13
O losefa ma Ema
Iulai 1830
Sa nonofo losefa ma Ema i Penesilevania. Sa i ai sa laua faatoaga laitiiti. Sa laua alofa i le tasi, ma galulue faatasi, ma fesoasoani le tasi i le tasi.
Sa tele faalavelave sa oo ia losefa ma Ema. Sa matitiva. Sa manano ia maua sa la fanau. Sa fanauina e Ema se pepa tama, a e na oti. Sa faanoanoa lava Ema. Peitai sa toatele la laua fanau na maua i se taimi mulimuli ane.
Sa popole tele losefa i lona aiga. Sa manao o ia na te tausia i latou. Sa tatau ona ia toto mea ’ai e fafaga ai i latou.
Sa faapena foi le popole o losefa i le Ekalesia. Sa faalavelave tele tagata leaga i le Au Paia. Sa lalafi solo nisi o taitai o le Ekalesia ona o tagata leaga. Sa tatau foi ona galue malosi losefa e fesoasoani i le Au Paia.
O nisi taimi sa tuu ai e losefa lona aiga ae alu e fesoasoani i le Au Paia. Sa faanoanoa losefa i lona tuua soo o lona aiga. Sa faanoanoa foi Ema pe a alu ese losefa. Sa popole tele o ia ia losefa.
Sa ole atu losefa ia lesu po o le a se mea na te faia. Sa fetalai mai lesu i le perofeta e ’aua le popole i faalavelave. Sa fetalai mai ia te ia e ’aua le fefe i tagata leaga. Sa fetalai mai le Alii ia losefa o le a ia fesasoani mai pea ia te ia.
Sa fetalai mai lesu ia losefa e toto se faatoaga mo lona aiga. Ona alu ai lea e fesoasoani i le Au Paia. Sa fetalai mai lesu ia losefa e ’aua le popole i mea ’ai, ma lavalava, po o ni tupe mo lona aiga. O le a tuuina atu e le Au Paia ia te ia mea na te manaomia.
Sa tuuina mai ia losefa se faaaliga mo Ema. Sa faaali mai i le faaaliga o Ema o se tamaitai faapitoa. Ga ia filifilia o ia mo se galuega taua.
Sa fetalai mai lesu ia Ema ia agalelei ia losefa i ona puapuaga, ma fesoasoani e faafiafia o ia a e ’aua le faapopoleina.
Sa fetalai mai lesu ia aoao e Ema le Au Paia. E tatau ona ia fesoasoani i le aoaoina o tusitusiga paia. Sa tau mai ai ia te ia o le a fesoasoani le Agaga Paia ia te ia ia ona iloa mea e ao ina aoao atu.
Sa fetalai mai lesu ia Ema ia toaga e aoao. E tatau ona ia aoao ma tusitusi le tele o mea.
Sa fetalai mai lesu ia filifilia e Ema ni pese e usu e le Au Paia e lomia i se tusi pese.
E fia faafofoga le Atua i pese a tagata amio tonu. O a latou pese o se tatalo lava lea ia te ia. O tagata amio tonu e vivii atu i le Atua e faamanuaina i latou.
Sa fetalai mai lesu ia Ema ia loto maualalo. Sa tau mai ia te ia ia alofa i lona toalua. la fiafia aua o le a tele faamanuiaga taua e tuuina mai ia losefa.
Sa fetalai mai lesu ia ’aua le popole i mea o le lalolagi. A e tatau ona sauni mo se olaga e sili atu i le lagi. E tatau ona ia fiafia ma usiusitai i poloaiga a le Atua. Ona mafai ai lea ona ia ulu atu i le lagi.
Sa Fetalai mai lesu o mea na ia tau mai ia Ema, e mo tamaitai uma lava.